Frå binders til bustad

Share

Det er jo flott når TV fortel at sommaren held seg her sør og set opp sol utan skyer over store deler av landsdelen. For ein som ikkje er så glad i dei høgaste temperaturane, er det svært høveleg å nyte livet i Mandal.

I dag sat eg og las epost då det kom eit brev som fortalde ei uvanleg historie. Ei tilvising til bloggen gjev deg høve til å gå i detalj om du har lyst til det. Sjå
http://oneredpaperclip.blogspot.com/

Den handlar om ein mann, Kyle MacDonald, som i fjor sat og såg på ein raud binders, og så tenkte han at han skulle starte ein byttehandel og så bytte seg framover til han hadde eit hus. Det første han bytta med, var ein penn med form som ein fisk, sidan bytta han den i ein dørknagg, så bytta han den med ein primus, og frå primusen gjekk det vidare i ei rekke ledd til han i går overtok eit hus. I løpet av eitt år har byttehandlane hans gjeve stor merksemd og reportasjar i mange TV-kanalar og radioprogram.

Når ein les om han på wikipedia, finn ein ut at han nok ikkje er ein heilt vanleg mann, men morosamt må han ha hatt det siste året:
http://en.wikipedia.org/wiki/Kyle_MacDonald

På norsk wikipedia kan du og ta ein titt. No er det 68.333 artiklar der. http://no.wikipedia.org/wiki/Hovedside

Å få ein slik bytteprosess til å gå, må vere spanande. Kanskje vi skulle prøve å få til noko slikt i Valle radio til hausten?

Ha ein fin laurdagskveld!

Legg att eit svar

Epostadressa di blir ikkje synleg. Påkravde felt er merka *