Glede og rikdom

Share

**Vakre hagar** er ei glede no på sommaren. Å kjøre gjennom landet og sjå blømande hagar er ei glede. Opp gjennom Setesdal kan ein sjå mange eksempel på fine hagar. Ofte tenkjer ein at her er det lagt ned mange timar med omsorgsfullt hagearbeid. Aud Magna Helle, som bur i første huset på høgre hand når du har passert Besteland på veg nordover, gleder vegfarande med ein unik hage på ein fjellknatt ved vegen. Blømande sentrum i Valle og på Rysstad skapar trivsel og gjer at folk gjerne slår seg ned på benkene der.

I Setesdølen for fredag 14. juli hadde avisa funne peonane til Sverre Lund. Han er no 95 år gammal, fødd 1. desember 1910, men held ved like hagen i Leite som han og kona Inger hadde så mykje glede av medan ho levde. I avisa får vi vite at dei og hadde peonar bak butikken i sentrum då dei budde der så tidleg som i 1955, altså for over 50 år sidan.

Peonar er langveisfarande planter. I programmet Grønn glede på NRK 26. mai kom det fram at plantene kan sporast tilbake til Japan for 1000 år sidan, og at dei kom til Europa for 400 år sidan. Les meir her: http://www.nrk.no/programmer/tv/gronn_glede/5656054.html

Her står det og, det som Sverre har erfart: Når du får peon til å trivast på ein stad, er det ingen grunn til å flytte planten. Store og blømande buskar er ei glede og ein rikdom å ta vare på.

Setesdølen kan gjerne halde fram med bilete frå vakra hagar. Slike bilete er og ei glede og ein rikdom å ta vare på.

Legg att eit svar

Epostadressa di blir ikkje synleg. Påkravde felt er merka *