Ingebjørg Bratland

Share

**Ingebjørg Harman Bratland** er ein av utøvarane på kappleiken i år. Ho skal ha konsert i Heddistoga saman med Kim Andre Rysstad laurdag 5. august klokka 20.

Ingebjørg var ferdig med 10. klasse i vår, ho er altså 16 år. Likevel er ho ein røynd kvedar og har delteke på landskappleiken sidan ho var 11. I vokal folkemusikk klasse C har ho vunne fire førsteplassar, i år vart det andreplass etter Margit Myhr frå Gol. Ingebjørg er frå Vinje, far hennar, Inge Sondre Bratland er søskenbarn til Sondre Bratland.

Etter kvart har ho blitt ein røynd kvedar som har delteke på mange ulike konsertar. Då Sissel Kyrkjebø var i Dalen i sommar, var Ingebjørg ein av dei som var på scenen før Sissel. Ho har og fått seg ei eiga gruppe, Hanning Kanning, der ho er vokalist med studentar frå folkemusikkstudiet i Rauland som musikarar; Anders Blystad (gitar), Maya Woldmo (torader) og Øyvind Skarbø (trommer, perkusjon). Med denne var ho på folke:larm, mellom anna.

**Kim André Rysstad** har og gode resultat å syne til frå Landskappleiken. I år vann han vokal folkemusikk klasse B.

Det bør verte fullt i Heddistoga i timen før premieutdelinga på Setesdalskappleiken i år.

Legg att eit svar

Epostadressa di blir ikkje synleg. Påkravde felt er merka *