Glimt frå planlegging

Share

Neste veke skal eg ha både tysdagssending og onsdagssending. Eg har så smått starta planlegginga av onsdagssendinga. Eg sende ein epost til Leonhard Jansen om han kunne vere med etter å ha halde foredrag på Biomangfald i kulturlandskapet-konferansen som var på Sølvgarden denne veka. Han hadde eit innlegg om Tradisjonelt driftssystem for Setesdalsbonden og der kom det fram interessante synspunkt. Anders Dalsæg hadde og eit innlegg, Setesdalsmuseet tar ansvar for biomangfoldet, og han kjem og i studio denne kvelden, så eg trur det kan bli ein interessant kveld for alle som er interessert i at kulturlandskapet i Setesdal vert halde i god stand. Eg har og tenkt at dei kan seie litt om slåttedagen på Rygnestad som var i sommar. Dette er planlagt til klokka 20 den kvelden.

Mange vil ha fått med seg at Løvlands allé hadde lansering av musikkvideoen Riket i to på Sølvgarden tidlegare i sommar. Det er ein musikkvideo som det har teke nesten eit år å spele inn. Eg har avtalt ein prat med Tor Egil Vaule Andersen om heile prosessen og om arrangementet på Sølvgarden. Så litt er klart når det gjeld planlegginga av onsdagen

Når det gjeld tysdagsprogrammet så er Niklos klar med kva han skal starte sesongen med i Postludium. Det vert eit program med musikk av Mendelssohn. Vi veit at det er melodiøs og fin orgelmusikk, og kjenner eg Niklos rett, har han og funne noko sang av den store komponisten.

Haustsesongen er i gang

Share

I kveld starta haustsesongen i Valle Radio med møte i Valle kommunestyre. Det starta med orientering om Agder Energi ved Tom Nysted og om Setesdal folkehøgskule ved Lene Dyrkorn og Olav K. Hovet. Så var det kaffipause før sakshandsaminga tok til.

Eg høyrde ikkje på sendinga i kveld, eg fekk bare med meg slutten av første del fram til pausen. Du kan sjå kva programmet var på Setesdalswiki, eg måtte legge ut sakslista der i kveld, sjå http://www.setesdalswiki.no/wiki/Onsdagsprogram_Valle_Radio_20120829 Eg la og ut heile haustprogrammet på Setesdalswiki i kveld, slik at du lett kan sjå kva som skjer onsdagskveldane utover hausten: http://www.setesdalswiki.no/wiki/Valle_Radio_program_hausten_2012

Neste onsdag er det eg som er ansvarleg for ei tradisjonell onsdagssending. Då skriv me september. Og tysdag har eg som vanleg tysdagssending. Vel møtt til ein ny radiosesong.

Glimt frå Valle

Share

På den andre bloggen min, Blog for Harald, har eg i dag gjeve plass til seks innlegg frå elevane mine på Valle Vaksenopplæring. Dei fortel om kva dei gjorde i helga som var, då eg såg Telemarkskanalen minutt for minutt. Min kollega Øystein har budd ved kanalen i Lunde, så han ville nok hatt meir glede av programmet enn eg, men han var oppteken med andre ting og fekk ikkje sjå så mykje, men programmet i P2 var jo og interessant.

Elevane mine såg ikkje så mykje på det programmet, i alle fall kjem det ikkje fram noko om det i tekstane deira. Men det er mykje anna interessant der under overskrifta Dette gjorde jeg lørdag og søndag, så du kan nok ha glede av å lese der.

I morgon er det tid for kommunestyremøte i Valle att, det vert overført i Valle Radio frå klokka 18.

Dette gjorde jeg lørdag og søndag

Share

I dag legger jeg ut tekster elevene mine har skrevet om helga 25. og 26. august. Selv hadde jeg en stille helg, søndagen ble brukt til å se på Telemarkskanalen minutt for minutt før jeg måtte reise tilbake fra Mandal til Valle. Her kommer tekstene fra elevene, oppgaven var å skrive rundt 150 ord.

Vanthawnghnin

Jeg stod opp klokka ni lørdag morgen. Jeg stod opp før kona mi laget frokost. Men jeg gikk først på badet. Etterpå spiste vi frokost sammen. Så ringte jeg til familien min, som bor i Burma. De sa at bestemora mi er blitt syk. Hun fyller 105 år i år. Bestemora mi har 14 tippoldebarn.

Ca. klokka to ringte James til meg. De hadde besøk av en familie fra Iveland og vennen hans ville spille tennis. Klokka halv tre begynte vi å spille tennis. Klokka tre kom det regn, og det stoppet ikke, så vi ble gjennomvåte.

Vennen til James har tre barn. De lekte sammen med barna våre. Barna våre lekte, og vi voksne chin var hjemme hos James, tre familier fra Valle og en en familie fra Iveland. Vi lærte en ny sang fra klokka 19 til 21 lørdag kveld.

Søndag morgen stod jeg opp klokka ni. Så spiste jeg frokost og pusset tennene og fra klokka ti til klokka halv tolv leste jeg i Bibelen. Så gikk vi til Menighetshuset hvor alle flyktningene som bor i Valle samlet seg til bønn klokka 12. Chin-gruppa sang en sang, og etterpå fortalte jeg hva profeten Jeremia skrev i Bibelen. (202 ord)

James

Lørdag jobbet jeg mye. Jeg jobbet på Valle Motell fra klokka to til klokka fire. Etterpå gikk jeg hjem. En venn fra Iveland og hans familie kom på besøk til oss. Han og kona har tre barn, to gutter og ei jente. De er veldig flinke til å snakke norsk.

Søndag var vi i bedehuset og ba. Vi sang og leste i Bibelen og vi hørte Vanthawnghnin tale. Etter klokka to gikk vi til badeplassen ved motellet. Noen fisket og noen spilte tennis. Min kone og jeg gikk på jobb. Vi jobbet fra klokka to til klokka halv åtte. Jeg var litt trøtt etter å ha vært opptatt hele helga.  (110 ord)

Mo Ga Po

Mo Ga Po har funnet blomster og blåbær i skogen

 

 

På lørdag morgen våknet jeg klokka sju av meg selv, jeg hadde ikke vekkerklokka på denne dagen. Jeg stod opp, gikk på badet og vasket meg. Da jeg var ferdig på badet, gikk jeg på kjøkkenet for å lage frokost for meg og mine barn. Til frokost steikte jeg egg og pølser. Jeg hadde også ris.

Etter at familien var ferdig med frokosten, gikk vi til Paw Delay sitt hus. Det gjør vi hver lørdag klokka 12. Lørdag er vår helligdag. Vi var mange samlet for å be. Når alle var samlet, var vi ca. 20 personer. Når vi er sammen, er det alltid en som holder tale. Denne gangen var det Htoo Thaw som holdt tale. Han holdt tale om tilgivelse. Etter talen hadde vi sang og musikk. Noe Bow spilte gitar og vi andre sang. Etterpå hadde vi mat og pratet sammen. Etter to timer var møtet ferdig. Da gikk vi hjem.

Om kvelden, fra klokka halv seks til halv åtte, vasket jeg på Joker. Klokka ni så jeg på TV. Jeg så en film, den var veldig god, så jeg la meg ikke før klokka ett. (189 ord)

Mang Din

Mang Din plukker blåbær

Lørdag hadde jeg mye å gjøre. Vi hadde besøk av en vennefamilie som bor i Iveland. De var hos oss i helgen. Jeg laget mat og passet barna. Om kvelden hadde vi sangøvelse og lærte en ny sang. Chin-gruppa sang denne sangen på møtet i bedehuset søndag.

Lørdagskvelden satt vi og pratet til klokka halv ti. Søndag møttes alle flyktningene i bedehuset klokka 12. Da sang vi sangen som vi hadde lært. Vanthwanghnin talte fra Bibelen og jeg ba. Men Noe Bow kunne ikke være med oss denne dagen. Han reiste og kjøpte bil. Jeg gratulerte ham med hans bil.

Fra klokka to til halv sju jobbet jeg på Valle Motell. Det var mye å gjøre der denne dagen. Det hadde vært motorsykkeltreff og mye folk der i helga. Vi klarte ikke å gjøre alt, så James må fortsette på mandag. Men jeg kan ikke hjelpe ham da, for vi damer skal på tur mandag klokka to. Vi skal plukke blåbær i skogen. Det gleder jeg meg til. (168 ord)

Tawat

Tawat på båten til Lysebotn

I helga våknet jeg seint. Jeg hadde ikke jobb og ikke skole da. Først laget jeg frokost. Etterpå vekket jeg kona og datteren vår. Så spiste vi sammen. Men Eli liker ikke å spise ris, hun pleier å spise brød med syltetøy til frokost.

Klokka 11 ryddet jeg og kona og vasket gulvet. Vi hadde gudstjeneste hjemme klokka 12. Da kom mange folk på besøk til oss. Etter gudstjenesten spiste vi frukt og hadde te og kaker. Alle barna spiste is og så på NRK Super. Det var en hyggelig dag for oss.

Etter middag, ca. klokka 15, besøkte jeg svigermor og vi leste teori til førerprøven sammen. Jeg tok en PC og så på finn.no for å se etter bil. Jeg liker en bil, det var en Toyota Corolla som står i Mandal. Den var veldig fin, men litt dyr for meg, nesten 80.000 kroner.

Søndag morgen ringte jeg til Thailand for å snakke med mor og far. De var friske og det var hyggelig å snakke med dem. Klokka 12 var jeg på gudstjeneste i bedehuset sammen med venner. Det var chin som hadde programmet denne dagen. Vanthwanghnin talte. Etter middag, klokka 15, ba vi igjen. Det var Hser Nya sin bursdag, så da spiste vi god mat hos dem. (214 ord)

 Noe Bow

Noe Bow sammen med Kwa Lar Way utenfor Kilden i Kristiansand

Jeg reiste til Flekkefjord lørdag ettermiddag for å se på bil. Jeg reiste med vennen min. Hser Nya hadde vært på besøk i Flekkefjord, og hun ble kjørt hjem, og da satt jeg på med ham tilbake.

Søndag var vi samlet og hadde gudstjeneste hos vennen vår i Flekkefjord. Det var tre familier der. Da vi var ferdige med å be, hadde vi fest og spiste god mat. Barna lekte etterpå.

Jeg dro til ei dame som skulle selge bil og så på den. Vi kjøpte den og ca. klokka sju reiste vi tilbake til Valle fra Flekkefjord. Vi kjørte gjennom Sirdal og over Brokke-Suleskarvegen. Det er en veldig smal veg, men veldig fin natur. Da vi var på toppen, tok vi mange bilder. Det var veldig kaldt der. Jeg har bodd i Valle ca. fire år, men jeg hadde aldri vært på Brokke. I går kjørte vi gjennom Brokke og veien der for første gang. Jeg kom hjem klokka kvart over ti. Da spiste vi litt og pratet litt. Så reiste de hjem igjen. Mens min familie la seg, gjorde jeg ferdig det som måtte være klart før barna skulle på skolen mandag. (194 ord)

Hser Nyaw

Hser Nyaw lagar til fest

Lørdag morgen klokka 7:20 reiste jeg til Kristiansand med søsteren min. Nevøen min inviterte oss til å feire bursdag for datteren deres. I Kristiansand kjøpte vi litt mat på Asia-butikken. Etterpå ringte jeg til ham for at han skulle hente meg. Han sa at jeg kunne vente på ham i Asia-butikken, han skulle hente oss der.

Da jeg satt og ventet på ham, ringte datteren min til meg. Hun spurte om når jeg skulle komme tilbake. Jeg svarte at jeg skulle komme tilbake på søndag. Men hun sa at jeg måtte komme tilbake på lørdag. Jeg spurte henne hvorfor jeg måtte det. Hun svarte at de skulle feire min bursdag. Jeg svarte at jeg ikke ville feire min bursdag, jeg er gammel, ikke ung og ikke barn. Men hun sa at jeg måtte komme i dag for vi også skulle be. Så la hun på telefonen.

Så kjørte vi til Nodeland. Klokka 15 begynte de å feire bursdagen med bønn. Så spiste vi pizza og karen-mat. Klokka sju kjørte vi fra Nodeland til Valle. Vi kom hjem klokka halv ti. Jeg kom for seint til å være med i bønn på lørdag.

Søndag stod Elisabeth tidlig opp og laget taco til å feire bursdag for meg. Hun trengte ikke hjelp av meg, hun gjorde alt selv. Klokka 12 hadde vi gudstjeneste på bedehuset. Denne uka var det chin-familiene som hadde programmet på gudstjenesten. De talte, leste Bibelen og sang. Vi hørte på, og det var fint og godt for alle. Etterpå kom vi hjem. Vi inviterte også alle vennene mine. Klokka halv tre ba vi. Etterpå spiste vi taco, kake, frukt og drakk brus. Jeg var så glad for familien og alle vennene mine, det var hyggelig for alle sammen

Colossus

Share

Ikkje lett å få tid til å blogge desse dagane. Eg fekk ei bok før helga, Colossus: Hoover Dam and the Making of the American Century av Michael A. Hiltzik og den tek si tid, 512 sider spennande historie om bygging av Hooverdammen i USA. Du kan lese meir om den på Wikipedia: Hooverdammen Dammen er 220 meter høg, då vert Vatndalsdammen sine 140 meter kanskje helst litt puslete. Produksjonen i Hooverdammen er likevel bare 2000 MW, noko som set dammen på 95 plass i produksjon i verda.

Boka trekkjer linjer tilbake til Ville Vesten og tida før dammen vart bygd i 1930-åra, heilt til 1800-talet. Eg lurer på om det var mange nordmenn med på bygginga av Hooverdammen og om ein kan trekke linjer frå bygginga i USA på 1930 talet til bygginga i Norge på 1960-talet. Det veit eg ikkje noko om, men det er interessant å fundere. Meir om boka kan du finne her: http://www.amazon.com/Colossus-Hoover-Making-American-Century/dp/B004AYCWZ8/ref=la_B001HQ0KQU_1_3?ie=UTF8&qid=1346097859&sr=1-3

Eg har tidlegare fortalt om min andre blogg. På den vil eg etter avtale med elevar legge ut nokre tekstar som dei har skrive. Om du svingar innom http://blog.setesdalswiki.no vil du frå i morgon og i dagane framover kunne verte betre kjent med folka frå Burma som bur i Valle og deira ulike gjeremål.

Men no kallar Colossus på meg, så eg let tastaturet kvile.

Musikkvideoen Riket i to

Share

Etter eit år med filming, ikkje minst langs Brokke-Suleskarvegen, er musikkvideoen Riket i to av Løvlands allé klar til presentasjon. Det skjer på Sølvgarden laurdag klokka 19. Hendinga var omtalt i Setesdølen tysdag, og vi som er vener med Tor Egil og Sanjin på Facebook har fått promotert hendinga ganske kraftig. Ettersom det skjer i helga, kan eg ikkje vere med, då er eg i Mandal, men eg vil anbefale folk å stille på Sølvgarden, det kan bli ei oppleving utanom det vanlege. Sjølve filmen tek fire minutt, etterpå vert det ein konsert med Løvlands allé før ein minglar og snakkar med skodespelarar og musikarar. Mange lokale har vore statistar i filmen, så ein vil heilt sikkert sjå kjentfolk der.

I omtalen av arrangementet skriv bandet:

Nå har det gått eit år sidan me starte musikkvideoprosjektet til låta ”Riket i to”. Tolv dagar fordelt på fire helger med innspeling i øve eit heilt år er forbi, og lørdag 25. august blir det visning av musikkvideoen på Sylvgarden hotell. Når me ser tilbake er me svært fornøgd over resultatet, kor me klarte å gjennomføre eit vanskelig, tidkrevjande og ambisiøst prosjekt. Ein musikkvideo som skildrar ei reise gjennom tid og rom. Eit møte natur mellom kultur, og det tradisjonelle i møte det moderne.

På same måte som musikkvideoen skildrar ei reise gjennom årstidane langs Brokke – Suleskarvegen, har også sjølve prosjektet vore ei reise. Ei reise som har vart gjennom eit heilt år. Ei reise kor me har blitt kjent med nye fantastiske menneskjer. Og ei reise med mange gode opplevingar langs vegen! Me er svært stolte over produktet og ser fram til å kunne presentere musikkvideoen i august!

Musikkvideoprosjektet hadde ikkje vore mogleg å gjennomføre utan hjelp frå andre. Prosjektet har kvilt på ein fantastisk dugnadsinnsats frå entusiastiske Setesdølar, og me er utrulig takksamme for all hjelp og støtte me har motteke! Difor vil me få takke alle samarbeidspartnarar, statistar og støttespelarar på prosjektet!

Og så er det gratis inngang. Lukke til. Når Valle Radio startar att, kjem eg til å ha ein prat med bandet om hendinga.

Biografisk leksikon for Setesdal

Share
Valle jenter 14 2012 har ikkje biografi-tekstar i Setesdalswiki, med unntak av trenar Ulf Kjelleberg, men om dei held fram med same sportslege innsatsen i haust som i vår, kan det fort endre seg

Nå er det minst 500 personartiklar i Setesdalswiki, så ein kan samle dei til eit Biografisk leksikon for Setesdal. Det har eg gjort, og det var interessant å få den lista gjort synleg slik ho no ligg. Det viser seg at det er langt fleire folk frå Valle enn frå dei andre kommunane. Det er vel kanskje ikkje så spesielt, for eg held jo til i Valle, og ettersom eg skriv mest på Setesdalswiki, vil nok dei personane eg skriv om i større grad kome får Valle enn frå dei andre kommunane.

Men det er jo fritt fram for alle å skrive, og det er mange røde lenker på personar som kan fyllast ut. Eg tek med meg tradisjonen frå Wikipedia, der det heiter at ein ikkje skal ha med familiemedlemmer om dei ikkje på eiga hand fortener ein plass i leksikonet. Men det er eit prinsipp som ikkje er så høveleg i Setesdalswiki, for i prinsippet kan alle som bur i Setesdal ha ein artikkel her. Likevel er eg litt forsiktig med folk som er under 18 år, dei får nok helst bare artikkel om dei er aktive innan idrett eller på annan måte gjer noko som får dei til å skilje seg ut frå andre barn og unge.

Eg har nok av og til tenkt at eg burde lage artiklar også når eg ikkje har så mykje stoff om ein person. Til no har eg mest tenkt at artiklar bør vere fyldige, men eg ser jo at det er vanskeleg å få så fyldige artiklar som ein skulle ønske, i alle fall når ein baserer seg på det som står i Setesdølen, for der står det kanskje bare ei linje. Då har eg ikkje teke med vedkomande, men av og til har eg lurt på om eg burde lage artiklar om folk der bare nokre få informasjonar er tekne med.

I går skreiv eg om Marit Moi, og då eg sende henne eit spørsmål via Facebook. Svaret hennar var Oi, det var ikkje verst å komme med der. Eg vart glad for den kommentaren og  skulle ønske at mange tenkte som Marit. Send meg CV om du vil vere med, så fiksar vi ein artikkel til det biografiske leksikonet for Setesdal.

Gatekjøkken på Honnevje

Share

I dag tok eg turen til Honnevje rasteplass for å sjå på det nye gatekjøkkenet som har kome der. Det var i kveldinga, i sjutida, og det var duskregn, så det var ikkje så innbydande som det kunne vore i kveldssol. Men det stod tre-fire bubilar parkert på rasteplassen, og på steinane i elva var det, til tross for regnet fem, seks personar som fekk nærare oppleving av vatnet i Otra.

Det er Erna og Will som står bak gatekjøkkenet, dei som dreiv Esso i Valle ein periode. Will helsa meg varmt velkomen med eit handtrykk og presenterte menyen for meg. Det vart ein enkel hamburger med drikke og eit beger is til dessert, og så fekk eg vente ved eit rastebord medan han gjorde klar maten. Å vente ved eit rastebord i yr er ikkje heilt det same som når det ikkje regnar, men maten var fort ferdig, så eg takka for meg og køyrde heim for å ete denne kvelden.

Å få til eit tilbod om mat på ein rasteplass burde jo vere noko som kunne løfte tilbodet til vegfarande i kommunen. Det måtte ein nederlandsk initiativtakar til for å få i stand eit slikt opplegg, han har ope frå 10 til 20, og sjølv om ein kom seint i gang, det var vel sist i juli, har det vore dagar med jamnt tilsig av kundar. -Sundag vart vi heilt utselde for is, fortalde Erna, som gjerne tek turen nord til Honnevje for å halde mannen med selskap på jobb.

Etter det eg har lese i Setesdølen, var ikkje initiativet så velsett i dei kommunale kontora, som var redde for at det vesle gatekjøkkenet skulle ta trafikk og handel frå sentrum i Valle. I dag gjorde det det. Eg kunne kjøpt min hamburger på Esso. Men dei fleste kundene er nok folk som ikkje hadde svinga innom sentrum, så kan hende er den vesle stoppen dei får på Honnevje den einaste stoppen i kommunen. For øvrig var det godt med folk i sentrum i dag, helst fullt på alle parkeringsplassane ved middagstid.

PS:
Eg har fått ein kommentar om at eg bør nemne at Ron van Driel, mannen til Anna van Driel, har jobba mykje med å få til gatekjøkkenet. No er det gjort, men det var Erna og Will eg møtte der då eg var innom.

Møte med elg

Share

På turen oppover i går kveld var det nære på at ein elg fekk eit nærare møte med ein Citroen C5 enn godt var. Det skjedde på Syrtveit, like sør for Troll Mountain sitt anlegg. Plutseleg kom han ut frå vestsida av vegen, det var bare å stå på bremsa, heldigvis gjekk det godt denne gongen. Han stod og såg litt på meg, eg blinka med lysa for å varsle motgåande trafikk om fare, og då snudde han og lunta tilbake inn i skogen. Og glad var eg.

I vinter møtte eg ein elg litt nord for Hylestad skule. Han tok spegelen på venstre side av bilen, men eg var glad det ikkje gjekk verre, for den dagen var det glatt på vegen og heller dårlege bremsetilhøve. Ny spegel kosta nokre kroner, men hadde eg fått han på panseret, er det ikkje godt å vite korleis det kunne ha gått.

I sommar har det vore elg i hagen heime i Mandal. Han likar godt å beite på godsaker der, akkurat som rådyra. Sjølv om han for det meste held seg på andre sida av vegen, slik at vi kan sjå han frå vinduet på høveleg avstand, sit vi meir enn ein gong og lurer på om han vil verte påkøyrd, og av og til høyrer vi det kvin i bremser. Til no har det gått godt, og det er vi glade for. Om han lever til elgjakta, bør han få ein grei tur til dei evige elgmarker.

Rådyra høver og best i viltgryte. Når dei lurer seg inn og står like under terrassen og beiter på bringebærbuskar, så vert ein noko irritert, det er lettare å sjå mor med kje på god avstand frå hage og bringebær. I det heile teke er det mest å det er nyttelaust å tenke på å plante noko frukt og slikt, før ein veit ordet av det, har dei vore innom og hatt eit måltid.

Planlegging på Sølvgarden

Share

I kveld var det planleggingsmøte på Sølvgarden klokka 18. Vi brukte halvannan time saman på å gå gjennom planar for hausten, det er alltid noko som skal justerast og orienterast om. Det var ein nyttig måte å gjere det på, for då kunne programleiarar, teknikarar og andre medarbeidarar kome med innspel om det som ikkje høvde i skissa som Ørnulf hadde laga til opplegg for hausten. Det er jo betre å ordne slikt på førehand enn å måtte justere i ettertid. No stod heile planen for hausten på veggen og ein kunne kome med innspel direkte.

Sjølv var eg sett opp på sauesjåsending, men det er ein fredag og då likar eg å reise til Mandal, så den fekk eg bytta vekk. I det heile var det eit nyttig møte, ikkje bare sendeplan, men og tilhøve rundt sendingane vart drøfta. Etter ein pause er Øyvind Jacob med att som programleiar i haust. Vi startar sendingane med kommunestyremøte 29. august, og så er vi i gang att med ordinære sendingar når septemer tikkar inn. Eg fekk gleda av å ha første programmet til hausten, så går det slag i slag utover.

Etter ei god planleggingsøkt var det felles middag for alle. Der gjekk praten rundt laust og fast slik det ofte er når 10 personar sit rundt eit langbord, små grupper som snakkar saman om svært ulike emne. Sjølv fekk eg eit lite innblikk i arbeidet i Brokke Naturkjøt, stuten Buddy har jo blitt ganske kjent for å ha gjeve folk ein og annan luftetur. Øyvind hadde mykje å fortelje om arbeidet med å halde kulturlandskapet i hevd i Garo med dexter-kyr, så kvelden gjekk fort i triveleg selskap.