Meir om Lauritz Fuglevik

Share

I dag møtte eg Tor Fuglevik, barnebarn av lokalhistorikaren eg fortalde om i går. Det skjedde i Buen kultursenter i Mandal, eg hadde kome tidleg og fått opp datamaskinen på eit grupperom i det nye flotte biblioteket der. Så kom det ein telefon frå Reidun om at han ikkje fann meg. Det synte seg at han sat ute i foajeen med ein kopp kaffi, og snart var vi i god prat.

Som eg har skrive tidlegare er leksikonartiklar avhengige av å ha kjelder, og han hadde med omtale frå Agder Tidend til 70-årsdagen og minneord frå Lindesnes Avis då farfaren døydde. Dermed vart det nok stoff til ein artikkel på Lokalhistoriewiki. Her er artikkelen:

Lauritz Fuglevik (født 27. oktober 1860 på gården Fuglevik i Halse og Harkmark kommune, død 24. august 1933) var lærer og lokalhistoriker. Han var lærer på Landøy fra 1882, senere også på Skogsøy. Allerede like etter konfirmasjonen begynte han på Lunde høyere skole i Søgne, og etter to år der var han lærerkandidat. Den første tiden var han vikarlærer flere steder i Halse, en tid var han også på Malmø skole. Da han sluttet som lærer i 1927, hadde han vært lærer på Landøy og Skogsøy i 45 år.

Utenom lærergjerningen var han engasjert i Mandals fiskeristyre, hvor han var medlem og til dels formann i en årrekke. Her laget han utredninger om laksefisket til fordel for sjøfiskerne i striden om fredningstiden for laksefisket. Men det var lokalhistorie som var Lauritz Fugleviks hovedinteresse. Han var medlem av Agder Historielag og bidro i flere år med flere artikler i Bidrag til Agders Historie. Han skrev også artikler i Lindesnes Avis, Samleren og Agder Tidend. Året før han døde fikk han statsstipend til folkeminnegransking. Han døde dessverre før han fikk publisert særlig mye av det han hadde samlet inn, men tre artikler ble gitt ut av Marnar Historielag i 1935 i skriftet Selfangst og hummerfiske i gamle dager – Tråneplomma.

 

350.000 artiklar

Share

I dag runda Wikipedia 350.000 artiklar. Det skjedde utan store markeringar klokka 10.44 og var bare omtalt i ein notis på Torget, ei samtaleside for folk som skriv på Wikipedia: http://no.wikipedia.org/wiki/Wikipedia:Torget#Like_f.C3.B8r_350_000_artikler_.21.21

Det er ganske mange artiklar, til å vere eit så lite språksamfunn som det norske, på engelsk er det no over fire millionar artiklar. Og sjølv om Wikipedia er dugnadsbasert med hovudvekt på skribentar som er interesserte i fotball og popkultur, kan ein finne ganske mykje av generell kunnskap på denne nettstaden.

I dag var eg ein tur i Mandal og møtte Tor Fuglevik. Møtet resulterte i at eg skreiv ein artikkel på Lokalhistoriewiki om farfaren hans, lærar og lokalhistorikar på eit par øyer aust for byen. Du kan lese meir om det på min andre blogg, http://blog.setesdalswiki.no/

Vi kom til å snakke om Wikipedia og Store Norske Leksikon og endringane som har vore i leksikonstrukturen dei siste åra. Begge vona vi at Store Norske ville få økonomi til å kunne halde drifta, vi treng eit leksikon med ein redaksjonell profil i tillegg til Wikipedia, som er meir basert på skribentane sine interesser enn ein redaksjonell profil.

Lokalhistoriewiki har 12.179 artiklar når dette vert skrive, og er altså ein dverg målt opp mot Wikipedia. Men dei dekker ei nisje som gjev rom for stoff som det ikkje er så naturleg å ha med i Wikipedia. Difor kallar dei seg ein fagwiki. Men det er mykje ugjort der, så dei kan trenge folk som skriv. Sjølv trur eg nok eg får halde meg til å vere mest aktiv på Setesdalswiki, sjølv om eg ikkje var særleg produktiv der i dag. I staden var Reidar Tveito innom og skreiv om Håhellerhytta, så der har du ein fin artikkel å lese før du tek turen vestover til helga. http://www.setesdalswiki.no/wiki/H%C3%A5hellerhytta