moisund.com og Setesdalswiki

Share

moisund.com er ei nettside med lokalt stoff frå nedre Setesdal. I dag vart Setesdalswiki omtalt der. http://www.moisund.com/2013/04/05/setesdalswiki-eit-leksikon-for-setesdal/

Det førte til mange lesarar på Setesdalswiki, så takk til folka bak moisund.com for omtalen. Den nettstaden har 1,5 millionar besøk på eit år, det er mykje meir enn Setesdalswiki. Men dei har ei heilt anna form, mykje personleg stil og omtale av dagsaktuelle hendingar. Når eg skriv på Setesdalswiki, hender det at eg finn stoff på moisund.com som eg kan bruke, og nettstaden er omtalt på Setesdalswiki.

Eg synest det er fint for Setesdal å ha to slike nettstader. Dei utfyller kvarandre, og regionen er då tydeleg til stades på Internett, noko som er viktig i våre dagar.

I sendinga i kveld på Valle Radio var óg Setesdalswiki omtalt. Det var Signe Sollien Haugå som fortalde om Setesdalskonferansen 2013 og at folk kunne finne mykje informasjon om den på Setesdalswiki. Det stemmer jo, for eg har hatt som mål å farge alle lenkene i artikkelen blå og då er det blitt ein del informasjon. Etter det Signe fortalde, var det framleis nokre ledige plassar på konferansen. Eg vil anbefale folk å melde seg på, de er mykje interessant ein kan få med seg til beste for næringslivet i Setesdal.

Her er programmet for sendinga i kveld. Meir om det kan du og finne på Setesdalswiki, sjå http://www.setesdalswiki.no/wiki/Fredagsprogram_i_Valle_Radio_20130405

Program fredag 05.04.13
Ansvarleg Ronny Stavsholt
Teknikar Liv Gunn Viki
18.00 Aktuell time
19.00 Tankar frå Bibelen med Håvard Viki
19.30 Regionrådet informerer
20.00 Ronnys time
21.00 Opi sending med Jorunn Lund Harstad og Kåre Rike.
Nettradio: http://159.171.56.26:8000/live.m3u

Legg att eit svar

Epostadressa di blir ikkje synleg. Påkravde felt er merka *