Luthers salmer

Share

Etter reformasjonsgudstenesta i Nidarosdomen 31. oktober, der kong Harald og dei fleste biskopane var til stades i ei fullsett kyrkje, var det nokon som sa at det var rart at ein ikkje song fleire av salmene til reformatoren Martin Luther. Bare Vår Gud han er så fast en borg var å høyre i kyrkja denne kvelden. Til gjengjeld var det ei flott framføring av den, det meste som fellessang, men også vers som eit forsterka domkor song.

Dei andre salmene denne kvelden synte nok heller eit økumenisk perspektiv, henta frå ulike forfattarar rundt om i verda etter det eg hugsar.

Det fekk meg til å slå opp i Kristen sang og musikk for å sjå kva dei skreiv om Luthers salmer. I artikkelen om Luther, som er svært lang, står det i spalte 307 ei liste over Luthers salmer på norsk. Den tek eg med her i dag:

Av dypest nød jeg rope må

Den Herre Krist i dødens bånd
Du vere lova Jesus Krist
Fra himlen høyt jeg kommer her
Gud hold oss oppe ved ditt ord
Kom Hellige Ånd, Herre Gud
Me trur på Gud, vår Fader god
Med fred og glede far jeg hen
Midt i livet møter vi
No møte ålment kristenfolk
Nu beder vi den Hellig Ånd
Nu kjære menige kristenhet
O Fader vår i himmelen
Oppstandelsen og livet visst
Var Gud ei med oss denne tid
Vi tror og trøster på en Gud
Vår Gud han er så fast en borg
Vår Herre Krist i dødens bånd
Av desse salmene er det mest bare den dei brukte i Nidarosdomen som er mykje kjent no lenger. Så det var sikkert naturleg at det bare var den som vart brukt.