Ein spennande kveld

Share

Onsdagskvelden vart ein spennande, men stri kveld. Tysdag kveld hadde eg lova Inga å vere teknikar, for ho fekk ingen til å overta, og Skatteetaten hadde kurs i Arendal, så ho var der. Så synte det seg at Helge Dahle var reist på rypejakt på fjellet og ikkje hadde fått med seg at han var sett opp som programansvarleg frå 118 til 21.

Då var det bare å finne Setesdølen og sjå om det var noko ein kunne ha som stoff, og så prøve å få avtale med folk om det. Takk til alle som var med i nyhetstimen, den gjekk fort. Ikkje minst takk til teknikar Knut Olav Tveiten som fortalde frå Amerika om den utruleg store landbruksmessa han og Olav Jan besøkte i Fargo. Det var morosamt å høyre på og han fortalde så levande og greitt.

Men også dei andre som var med, bidro til å gjere timen variert og interessant. Frå LHL fekk vi høyre om arbeidet for å prøve å få i gang lag i Øvre Setesdal att. I dag var bussen i Valle sentrum, og eg såg det var folk der for å måle blodtrykk.

Eg fekk og ein prat med Knut Svein Dale om møteserien om Matteus-evangeliet, der han hadde møte i går kveld. Deretter om det nye prosjektet som Johan Olsen har med møtehelg med tredreiing. Det vert ein spesiell laurdag utanfor Menighetshuset i Valle frå klokka 12, då det står eit telt med dreiebenkar i og folk kan få prøve og kan diskutere tredreiing med predikanten som skal ha møte laurdag kveld klokka 19.30 og sundag klokka 11.

Deretter var det ein hyggeleg prat med prostidiakon Per Emanuelsen som fortalde om pilgrimsturen han går frå Otras start til utløp, frå hei til hav. Han hadde møtt mange hyggelege folk på turen og hatt mange samtalar medan han gjekk.

Til slutt i denne timen var det Olav Neset, ny ordførar i Bygland som var på tråden. Høgre i Bygland stilte liste saman med Venstre, og veteranen på Neset fekk med seg 18 år gamle Olav Grunde Lauvdal i kommunestyret frå felleslista.

Resten av kvelden gjekk i grunnen fort.