Tilbakemelding

Share

På blanke ettermiddagen, like etter klokka 16 i dag, fekk eg ein telefon frå ein lyttar som takka for at tysdagssendinga var tilbake. Sending hadde vore sakna i heile november, men då lyttaren såg i avisa at eg skulle på lufta i går kveld, var det glede i stova. Gleda var så stor at radioen måtte på timar før sendinga starta, slik at det ikkje skulle verte gløymt.

Kommentaren var mellom anna ein takk for andakten av Rita Åsen, som eg sende i Over ein open Bibel klokka 18:15. I tillegg var det ein stor takk til Niklos K. Besteland for programma han lagar og all den vakre musikken han leitar fram.

Til slutt lurte lyttaren på om det var nokon som hadde eit bilete av koret som song då orgelet i Valle vart vigsla. Det var visst i mai 1997, etter det ho hugsa. Dersom nokon har eit slikt bilete og kan hjelpe så vi får tatt ein kopi, hadde det vore strålande, både for meg og for lyttaren.

Difor sender eg ut etterlysninga på bloggen og vonar at du som les dette og var til stades i kyrkja ved vigslinga, og tok bilete der, leitar i arkivet og ser om du har eit slikt bilete.

Samstundes takkar eg for tilbakemeldingar. Det er mykje lettare å lage radio når ein får slik respons. Gama au….

Legg att eit svar

Epostadressa di blir ikkje synleg. Påkravde felt er merka *