Velsigna

Share

Har oppdaga at
eg er velsigna.
Kan ikkje heilt
forklåre det.
Folk
er ille snille
med meg.
Uventa
uvant.
Kor såg du Far
sist veke?

Du bygger broer,
bind folk saman,
brubyggarprisen
skulle du hatt,
skulle stått
blant dei store.

Det hadde blitt
spurv i tranedans.
Trivst betre som
stille liten blom i
stor skog.

Ovanståande fragment frå ein chat på Internett fekk nokre lyriske tonar til til å svinge i attkjenning. Det var nok http://no.wikipedia.org/wiki/Ein_fin_liten_blome som klang i bakgrunnen. Den høver svært godt i Mandal denne påska, sjølv om frosten nok bit i blomane som vågar seg opp av molda. Det er litt enklare for dei som har plass i potter i vindauga.

Dei to fyrste dagane av påska i år har vore velsigna med strålande sol. Til og med om natta ser vi glansen frå sola, det dreg seg jo mot fullmåne. Det er grunn til å takke både for påskever og påskebodskap.