Nå er eg på Facebook

Share

Men eg kunne trengje eit kurs….

Til no har eg ikkje funne gruppa til Valle Radio, så eg har ikkje fått meldt meg inn der. Men etter det eg forstår, er det no over 100 medlemmer, og etter kvart som eg lærer meir om dette, vert eg sikkert hekta, eg og.

Til no har eg vore hekta på å bruke epost. Eg har vore medlem av fleire epostlister opp gjennom tidene og likar det. Då får eg del i tankar og meiningar som andre har om dei tema som er aktuelle for den lista.

Bloggen Valle Radio har eg no skrive på i fleire år, så den delen av Internett kjenner eg og ganske godt. Som regel skriv eg eitt innlegg kvar dag, det er jo etter kvart blitt nokre ut av det.

Men mest glede har eg hatt av Wikipedia, det er ei dagleg inspirasjonskjelde. Eg fiksar og ordnar på innlegg som andre skriv, eller eg skriv nye sjølv. Eg er blitt administrator og byråkrat på norsk wikipedia og har hatt mange tusen redigeringar på prosjektet. Her skriv eg leksikalsk om emne eg veit noko om frå før, eller noko som eg les meg til. Eg skriv mest om folk og stader, men av og til om ei salme eller ei plate. Ofte kan eg skrive om noko som kjem til nytte på bloggen, og ofte kan bloggen nytte noko av det eg skriv på wikipedia.

Gjennom arbeidet på wikipedia har eg og teke til å chatte. Eg chattar med andre folk som skriv på wikipedia og opplever at eg har fått vener eg ikkje elles ville ha drøymt om å snakke med.

Totalt sett har eg vurdert meg sjølv til å vere ein aktiv brukar av internett, så aktiv at eg ikkje hadde trong for Facebook. Men no er eg der. Så får det gå seg til litt etter kvart.

Legg att eit svar

Epostadressa di blir ikkje synleg. Påkravde felt er merka *