Meir om astronomi

Share

Eg fekk ein kommentar til det eg skreiv då eg fortalde om at Øyvind Jacob hadde hatt ein prat med Knut Jørgen Røed Ødegård: Du kan oppleve han levande på Kristiansand folkebibliotek måndag om ei veke. Du som er i byen i haustferien, har altså noko å sjå fram til.

Grunnen til det er at Kristiansand folkebibliotek feirar 100 år. 100-årsdagen er sundag 27. september, då opna dei folkebiblioteket i Kristiansand. Markering skjer i Vågsbygd, der dei opnar flunkande nytt bydelsbibliotek. Dei har hatt bibliotek i Vågsbygd Senter før, men for 650 dagar sidan tømte dei det og reiv heile bygningen. Så har dei bygd opp nytt bibliotek på same staden, og klokka 13:00 opnar ordførar Per Sigurd Sørensen det heile. Før han slepp til, har Kristiansand janitsjar gledd folk med flott korpsmusikk, og etter han kjem Trond Blattmann og talar frå byggherren, før Pikekoret Benedictus syng. 13:45 er det teater for barn ved Ole Tellefsen og Leif Fjelldal: Bokbøfler og lesehester, deretter blir det innslag frå kulturskulen, rap og hiphop frå Fritidsetaten, og så kjem Normann Liene og fortel frå Vågsbygd si historie klokka 15. Det vert servert fødselsdagskake og alle er hjarteleg velkomne, seier filialsjef Margunn Haugland, det var ho som skreiv kommentaren på bloggen. Med seg i Vågsbygd har ho Silja Nøding, Egil Knudsen og Solbjørg Johansen.

Dagen etter og resten av veka markerer dei 100-årsdagen i Kristiansand sentrum med eit rikhaldig program, kvar dag heile veka klokka 19:
*Måndag: Knut Jørgen Rød Ødegård
*Tysdag: Universitetslektor Elin Gunleifsen: Dialektutviklinga i dag, med særleg vekt på Agder.
*Onsdag: Juni Dahr framfører tekster frå Victoria av Knut Hamsun. Pris 250 kroner.
Torsdag: Krimkveld med Gunnar Staalesen
Fredag: Dataspel og Second Life
Laurdag 12-14: Aktivitetar for born
Sundag kl 14.00, 15.00 og 16.00: Barneteater. “Pulverheksa” framført av Marianne Krogness

Litt av ei kulturveke i byen i haustferien, altså.

Her er lenke til programmet:
http://kristiansand.folkebibl.no/index.pl?artID=jub09&front=1

Legg att eit svar

Epostadressa di blir ikkje synleg. Påkravde felt er merka *