Aggressiv annonsering

Share

Eg er lei meg for den aggressive annonseringa som er kome inn på bloggen min no. Før har det vore annonsar frå Google som har betalt plassen her på bloggen, men dei siste par dagane har det kome ei mykje meir aggressiv annonsering på toppen av sida, det er slik at ein mest ikkje kjem unna utan å klikke på “Du har ny post”.

Eg er av den meining at ein lyt tole reklame, det er ein del av samfunnet, men ein kan jo ikkje kvar dag gå inn i annonsane til ulike annonsørar. Bloggen er eit lesemedium og bare i den grad innhaldet i bloggen stemmer med annonsar frå google, bør lesarane ha høve til å velje å klikke på ein annonse. Når det slik eg opplevde det i dag mest er uråd å kome inn på bloggen utan å fyrst måtte klikke på ei annonse, då har leverandøren gått for langt.

Eg prøvde å sende melding om det til dei som driv bloggen her, men for å sende melding må ein vere ein betalande bloggar, og det er ikkje eg, så det fekk eg ikkje til. Truleg er eg ein av dei flittigaste bloggarane på denne adressa, noko som burde vere ein føremon. Eg har over 2100 innlegg på bloggen, og når folk søkjer etter emne som gjeld Setesdal, kjem bloggen min høgt opp på lista. Men det ser ikkje ut til at det er nok for aggressive marknadsføringsfolk hos dei som leverer tenesta.

Sjølvsagt kunne eg unngått heile problemet med å betale årsabonnement for bloggen. Eg trur det hadde kosta 40 Euro, men det var eit problem då eg hadde slikt system og, så eg gjekk bort frå det. Eg veit ikkje om eg vil gå tilbake til det. Til no har bloggen hatt nesten ein halv million oppslag på dei åra eg har skrive. Det er jo ikkje så lite.

Vi får sjå korleis det går. Inntil vidare får vi vel halde på i same lei som før.

Ein tanke om “Aggressiv annonsering”

  1. De må ha sett klagen, tullet har flyttet seg over kommentarvinduet her isteden. At de ikke kan holde opp med slike blinkeannonser. Jeg pleier la være å handle hos bedrifter som legger inn slike i nettaviser og på startsider, de får meg bare irritert og jeg kommer meg unna så fort som råd er – bare negativ reklame for dem :S

Legg att eit svar

Epostadressa di blir ikkje synleg. Påkravde felt er merka *