Vinterferie-onsdag

Share

Onsdag midt i vinterferien var det Ronny som hadde ansvaret for sendinga. Det kom ikkje noko program i Setesdølen i går, så her er programmet, slik det såg ut på Facebook-sida til Valle Radio:

Ansvarleg: Ronny Stavsholt
Tekniker: Torhild Sandnes
Telefonvakt: Torbjørg Hoftuft og Jorunn Lund Harstad

18.00 Aktuell time – Jaktprat med Ragnar Aspholm
19.00 Tankar frå bibelen m/ Bjørgulv T. Berg
19.30 Kommunen informerer m/ Merethe Mykland Johansen
20.00 Musikkprogram m/ Selma og Katrine
20.30 Ronnys halvtime
21.00 Opi sending m/ Rolf-Erik Homme og Henri Tore Viki

Nettradio : http://valleradio.com/
Les bloggen: http://valleradio.blogs.no/
Ring inn svar på rebusar eller helsingar: tlf 379 37 577
Mailadr: post@valleradio.com

I grunnen hadde eg og Reidun planar om å delta på Sangkveld på Mandal Sykehjem i kveld, men forkjølinga mi sette ein stoppar for det. I staden fann eg Valle Radio på datamaskinen og høyrde litt på den aktuelle sendinga, samtalen med Ragnar Aspholm var interessant. Mellom anna snakka dei om at det etter kvart er blitt eit kråkeproblem i Valle, og at Ragnar hadde planar om å fange kråker i feller. Kråkene tek mykje egg og ungar frå andre fuglar, så om bestanden av kråker vert for stor, vil det gå ut over det biologiske mangfaldet i området.

Dei snakka og om store hjortedyra sine problem i all snøen. Ragnar fortalde at kvar dag står ein flokk hjortar på Vegstasjonen om kvelden og ventar på at Pål Dale skal leggje ut rundballar til sauene. Då tek dei over elva og jagar vekk sauene for å få maten.

Tidlegare i dag ringde Bjørgulv T, Berg meg. Han skulle til Kristiansand i kveld og lurte på om eg hadde noko til andakten i kveld. Sjølv hadde han eit opptak med Viggo Wilhelmsen, men han kunne ikkje kome i radioen i kveld, og då trudde han det ikkje ville fungere. Eg meinte at det kunne sikkert teknikaren få til, med noko musikk før og etter. Men då klokka var sju, høyrdest det ut til at Ronny ikkje hadde fått melding frå Bjørgulv, så han lurte veldig. Det enda opp med at han sende countrymusikk den halvtimen. Av og til fungerer ikkje løysingane slik ein hadde trudd.

Ein tanke om “Vinterferie-onsdag”

Legg att eit svar

Epostadressa di blir ikkje synleg. Påkravde felt er merka *