Veke 15

Share

I går kom eg til Valle rundt midnatt og ville skrive på bloggen. Men det hadde vore straumbrot i løpet av helga. Dermed var serveren som set min datamaskin i forbindelse med Internett ute av drift. Så i går kom det ikkje noko innlegg på bloggen.

Denne veka har eg ansvar for både tysdags- og onsdags-sendinga. Dermed måtte eg sende program for begge dagane til Setesdølen i føremiddag:

Tysdag 12. april

Ansvarleg: Harald Haugland

18.00 Kvarteret
18.15 Over ein open Bibel
18.30 Påskesangkveld
21.00 Kyrkjebakken

Tysdagskvelden vil eg ha ein påskesangkveld frå klokka 18.30. Eg vil starte med nokre påskesongar, men det meste av programmet vil gå til Johannes-pasjonen av Johann Sebastian Bach, eit verk som tek om lag to timar å framføre. Eg vil leggje ut lenke til den tyske teksten på Setesdalswiki, slik at ein lyttar kan fylgje med på teksten på datamaskinen. Det finst mange hundre innspelingar av verket, men eg har funne ei innspeling med Hallenser Madrigalisten frå Lukaskirche, Dresden i 1998. Dirigent er Ludwig Güttler.

Johannes-pasjonen er noko eldre enn Matteuspasjonen. Han vart fyrste gong framført i Leipzig 7. april 1724. Det meste av teksten er frå Joh. 18 og 19, men eit par plassar er det teke med korte tekstar frå Matt. 26 og 27.

Onsdag 13. april

Ansvarleg: Harald Haugland
Teknikar: Inga Flateland
Telefonvakt: Gudrun Nomeland

18.00 Aktuell time
19.00 Tankar frå Bibelen ved Bjørgulv T. Berg
19.30 Kommunen informerer ved rektor Tron A. Støle
20.00 Ein halvtime med Halvdan Sivertsen
20.30 Fjell og nutar i Setesdal. Reidar Tveito fortel
21.00 Opi sending ved Jorunn Lund Harstad og Harald Haugland

Fylg oss på Facebook
Les på bloggen: http://valleradio.blogs.no
Meir informasjon på Setesdalswiki http://www.setesdalswiki.no/wiki/Hovedside
Svar på rebusar: Telefon 379 37 577
Epost: post@valleradio.com

Programmet for onsdagskvelden byr på ein godbit klokka 20.30. Då skal eg snakke med Reidar Tveito. Han gav ut eit hefte om dei høgaste toppane i Bygland i januar, og planlegg no eit tilsvarande hefte om toppar i Valle og Bykle. Han har besøkt mange av toppane alt, men må ha komande sommar på seg før han er ferdig. Han har lagt ut mange bilete på Setesdalswiki, der kan du sjå bileta vi skal snakke om: http://www.setesdalswiki.no/wiki/Kategori:Reidar_Tveitos_bilder

Det øvrige programmet denne kvelden vil eg legge opp i løpet av onsdagen. Du er velkomen til å kommentere programmet her på bloggen eller på epost til meg på
harhaugl(at)gmail.com (du må erstatte (at) med krøllalfa)

Legg att eit svar

Epostadressa di blir ikkje synleg. Påkravde felt er merka *