Country Gospel og solidaritet 2

Share

Jeg fortsetter å skrive fra Solidaritetsfestivalen for Burma på Evje søndag kveld, men i kveld skriver jeg alene, i går skrev jeg sammen med mine elever på skolen.

Etter intervjuet med sannhetsvitnene var det tid for film. Jeg har tidligere sett filmen Rambo 2 som går inn i konflikten mellom karenere og Burmas myndigheter, denne filmen handlet om det samme, men også om Hvite Liljes arbeid i området. Det var flott å se hvordan barnehjem de etablerer, skaper håp og liv hos mennesker som mangler det meste. Vi snakket om dette i klassen i går og så på bildet fra Mae La som ligger på Wikipedia: http://no.wikipedia.org/wiki/Mae_La Våre elever kommer fra denne leiren og fra Tham Hin, sistnevnte har verre forhold enn Mae La. -I Tham Hin er gatene så smale at læreren hadde ikke kunnet gå der, sa en elev til meg. Det så vi også på filmen, jeg skjønner ikke at de smugene der kunne fungere som gater.

Etter filmen trengte ikk Jan Egil Omdal holde noen lang appell før han sendte rundt kollektbøssene, han hadde visst jobbet for Aril Edvardsen i Sarons Dal og regnet med en stille kollekt. Det ble det også, opptellingen viste over 20.000 kroner til arbeidet Hvite Lilje driver.

Siste del av kvelden var viet musikk av Arly Karlsen og av Kjell Elvis Bjørnestad. Han tok på seg Elvis-kostymet sitt og danset og sang i tradisjonell stil, så her fikk publikum det som plakaten lovet.

Jeg hadde lagt merke til at publikum gikk noe ut og inn av salen, og noen kom med tallerkener med mat på. Jeg gikk derfor ut for å se om jeg kunne få noe, jeg også, men da var de utsolgt.
En av elevene mine hadde stått for maten sammen med noen andre karenere, og hun syntes det var så flaut at læreren ikke skulle få mat, at hun fant den porsjonen som Kjell Elvis skulle hatt og ga til meg. Vårrull, innbakte reker og ris var menyen, og som vanlig smakte det godt, det var mild og god mat.

Så vidt jeg kunne forstå var man lokalt godt fornøyd med arrangementet. Det var tankevekkende og informativt, og de som dro det i gang, fortjener ros for sitt initiativ.

Country Gospel og solidaritet

Share

I dag skriver jeg på bokmål slik at elevene mine lett kan lese og forstå bloggen min, for de liker best å lese bokmål. Lærebøkene i Norsk for utlendinger er på bokmål, så det er jo naturlig.

Søndag møttes vi på Evjemoen klokka 18. De hadde tatt buss fra Valle, jeg kom fra Mandal. På Evjemoen kino skulle det være solidaritetsfestival med flere av landsdelens kjente countrymusikere på scenen. Utenfor var det lett regn og et yrende liv av burmesere som passet små barn da jeg kom dit. Jeg gikk inn i yttergangen, der var det et bord hvor man kunne kjøpe karensk mat og forskjellige ting laget av karenere. Jeg tenkte at jeg kunne kjøpe noe seinere, så jeg gikk rett inn i kinosalen.

Det var ganske mange folk der og jeg så om jeg kunne se noen fra Valle. Men det gjorde jeg ikke, så jeg satte meg litt langt framme i salen. Ordfører i Evje og Hornnes, Bjørn A. Ropstad, ønsket velkommen og holdt en liten tale. Så var det klart for musikken. Den første som sang, var Steven Kvinlaug. Han spilte gitar, men hadde også akkompagnement på data, så det ble mye lyd. Etterpå kom datteren hans og så sang de tre sanger sammen. Det var flott å høre på.

Kveldens høydepunkt var ei 13 år gammel jente fra Kvinesdal. Emilie var navnet hennes. Hun sang to sanger, og Amazing Grace sang hun uten akkompagnement, det var enestående framført. Jeg fikk tårer i øynene og klump i halsen da jeg hørte på henne, og det er det ikke ofte jeg får.

Det var også noen fra Burma som sang på karensk. Jeg husker ikke navna på dem, men Tahaythah, som går på Hornnes VGS, spilte gitar i ei gruppe på fire, og det var flott å høre på dem. Jeg tror de var litt nervøse til å begynne med, men etter hvert glemte de det og sang veldig fint.

Sannhetsvitner er noen som selv har opplevd krig og livet i flyktningeleirer, som ble beskrevet som fengsler. Det var en eldre mann som fortalte, Markus het han, og han hadde mistet et bein og brukte protese. Det var en sterk historie om krig og vold. Ei dame fortalte også om hvordan barn blir tatt og solgt til sex-industrien i Bangkok. Det var sterke historier og sikkert ikke lett å høre på for de karenerne som var i salen. Ikke for nordmenn heller.

Avskilsgudsteneste for prost Sigurd Skjelsbæk

Share

Denne helga har vore meir innhaldsrik enn dei fleste. Som regel er helgene mine nokså rolege: Eg dreg til Mandal og held meg heime til eg dreg oppover att. Men denne gongen vart det mykje aktivitet. To av dei kan du lese om her på bloggen for fredag og i går, det var fredagens deltaking i Dagsnytt 18 og laurdagens garasjefest.

I dag var det ein ny dag, og i dag valde vi kyrkjegang for å vere med på avskilsgudstenesta for prost Sigurd Skjelsbæk, som no skulle verte pensjonist. Biskop Olav Skjevesland og Mandal kantori deltok, og etterpå var det kirkekaffe på Hald. Den droppa vi, men vi drog tidleg til kyrkja, og måtte likevel parkere langt oppe i bakken nær det gamle sjukehuset. Mandal Parkeringsselskap held den eine etasjen i parkeringshuset i Halsefidja lukka på sundagane, eg høyrde ei som sa ho hadde ringt til parkeringsselskapet og sagt at dei burde opne det, for no parkerte folk alle stader, og det var i grunnen sant, ein parkerte der det var plass denne dagen, dei oppmerka parkeringsplassane var tidleg fulle.

Som du skjøner var det mange folk i kyrkja. Mandal kantori er så stort at dei kunne vore to kor, og dei gjev oss vakker song når dei er med i kyrkja. Inngangsprosesjonen var til salma Guds kirkes grunnvoll ene, 537 i Norsk Salmebok. Med blåsegruppe saman med orgel og fulltonande kyrkjesong var den starten ei oppleving i seg sjølv, så eg song for full hals, det trur eg det var mange andre som og gjorde, for det vart eit veldig salmesus i kyrkja. Sidan gjekk det slag i slag med liturgi, dåp, tale, takketale frå biskopen, som eg trur var i Skien i kveld for å ordinere ein ny prest. Det er ikkje så ofte vi får høyre motettar no, men kantoriet hadde i alle fall to, den eine var Salige er de som bor i ditt hus, ein vakker introitus av Harald Gulliksen.

Elles hadde Skjelsbæk, som hadde 30 års tenestetid som prost bak seg, og i den tida og ein periode i Alstahaug, fått med to salmer av Petter Dass. Det var dåpssalma på 612 i Norsk Salmebok: Kristus kom med vann og blod, du kan lese teksten på http://www.orkdalsmenighetene.no/daap/salmer/nos612.htm og høyre melodien spelt på orgel på YouTube her: http://www.youtube.com/watch?v=2s1olgo7v6s Den andre Dass-salma var Om alle mine lemmer, som står på 529. Det var avslutningssalma, og då løfta taket seg nesten i kyrkja, og det er ganske høgt oppe i denne kyrkja. Teksten finn du her: http://www.orkdalsmenighetene.no/vigsel/salmer/nos529.htm

Ofringa denne dagen gjekk til Kirkens Nødhjelp sitt arbeid i samband med tørkekatastrofen på Afrikas Horn. Skjelsbæk sa då at dei som ikkje skulle gje noko, kunne ta turen rundt alteret likevel, og så kunne han få takke for tida i Mandal. Den ofringa tok over 20 minutt, og eg tenkjer han var øm i handa då den var slutt. Kor mykje som kom inn får vi vite neste sundag.

I morgon skal eg skrive om siste post på denne helgas program.

Garasjefest

Share

Garasjar kan nyttast til meir enn å parkere bilar i. Ein nabo sin garasje var i kveld gjort om til festlokale for oss tjue innbyggarar i grenda mi her i Mandal. Kvar sommar brukar vi å ha ei slik samling, og i år var det til og med nokre nye naboar som har flytta inn i grenda, ei dame med røter på Nærbø og ei anna med tilsvarande røter i Lyngdal. Dei fleste andre var mandalittar, sjølv om nokre var meir naturaliserte enn dei andre,

Menyen på desse festane har nok variert noko år om anna, etter det eg hugsar, starta det heile med reker, men i år stod det spekemat på serveringsbordet. Med rømme, eggerøre, potetsalat og eit rikt utval garnityr var det eit godt måltid, i tillegg kjem det gode som fylgjer med ein god samtale. I grunnen er det alt for sjeldan vi har slike samkomer, som oftast møtest bare dei som hentar posten, og så helsar vi til kvarandre når vi køyrer forbi kvarandre elles i året. Men denne kvelden er vigd til gode historier, opplevingar, god mat og god drikke.

Dei fleste av dykk som les bloggen min veit nok at glasset mitt er utan sterkt innhald, men eg kosar meg minst like mykje som dei som vil ha noko ekstra i glasset. Og kaker og kaffe utpå kvelden, det er alltid vellukka, og i kveld var det både ostekake og marengs med sviskekrem, så her var det god råd å nyte både salt og søtt.

Så sat vi der og prata, nokre hadde høyrt meg på dagsnytt 18 i går kveld og kommenterte det, og eg snakka litt om wikipedia med dei som ville vite meir, men elles gjekk praten mest om laust og fast i bygda. Neste helg står ein 40-årsdag for tur, og dei som skal ha den nytta høvet til å levere munnleg nabovarsel, ettersom alle berørte var til stades på garasjefesten.

Som vanleg når grannar møtest, snakkar mennene om bilar og damene om ungar, og noko av tida gjekk nok med til slikt snakk denne kvelden og. I alle fall gjekk tida fort, og for å rekke å skrive denne bloggen, måtte eg bryte opp noko tidlegare enn dei andre, men eg vonar at når dei les bloggen, skjønar dei at både eg og Reidun sette pris på å få vere med på arrangementet også i år.

Dagsnytt 18

Share

I dag fekk eg ein telefon frå redaksjonen i Dagsnytt 18 om eg kunne tenke meg å vere med i ein samtale om Wikipedia. Det var eit tilbod eg ikkje kunne la gå frå meg, så eg lova å gjere det. Dermed fekk eg tilsendt artikkelen frå Klassekampen om korleis nokre høgre-ekstremistar har prøvd å påverke engelsk wikipedia. Sjølv om dei vart oppdaga og mange av redigeringane deira fjerna, ligg det noko att og er med på å definere ord og omgrep i den sektoren av samfunnet, sa Arnulf Hagen, professor ved NTNU i Trondheim, som hadde gått litt djupare inn i ei side av Manifestet som dukka opp i kjølvatnet av Terrorkatastrofen i Oslo og på Utøya.

Også journalist for digitale medier i Dagbladet, Jan Omdal var med i samtalen, som varte i ti minutt, og då kan du sjølv tenke at vi ikkje fekk mykje taletid kvar. Med programleiar Anne Grosvold var vi fire, så det vart 2,5 minutt på kvar. For å spare meg for noko køyring, drog er direkte til NRK Sørlandet sitt hus på Tangen i Kristiansand, der vi var med Valle Radio for nokre år sidan. Der fekk eg låne ein PC og så kunne eg oppdatere meg, lese kronikken og finne ut litt om den aktuelle situasjonen i wikipedia i dag. Då hadde vi 310.750 artiklar, Ein kan jo ikkje garantere at det ikkje er feil ein eller annan stad i så mange artiklar.

Men wp har eit omfattande system for å oppdage og å fjerne vandalisme, så mykje av det som vert lagt inn kvar dag, vert fjerna nokså omgåande. Det vil jo likevel snike seg inn noko med tida, sjølv om mange brukarar overvaker og passer på artiklar dei er interesserte i. Så ein kan aldri seie at nettleksikonet er feilfritt, og undersøkingar har synt at det ikkje er fleire feil i wikipedia enn i Encyclopedia Britannica, som vel er det mest seriøse engelske leksikonet.

Men det var ei artig erfaring å snakke til ein million lyttarar, ikkje bare dei to tusen som høyrer på tysdags- og onsdagssendingane i Valle Radio. Denne gongen var det jo ikkje så vanskeleg å vere wikipedias pressetalsmann, for saka var viktig å snakke om. Stoff ein finn på Internett bør kontrollerast mot andre kjelder om det er viktig å kvalitetssikre det. Og wikipedia er ein god plass å starte med å få eit oversyn og ofte og få kjelder til ein stad lesaren kan få vite meir.

Takk til alle som høyrde på og gav tilbakemelding på Facebook, det var mest som å ha fødselsdag att, bare ei veke etter forrige runde med mange tilbakemeldingar.

Meir om NRK

Share

Ein skjøner jo kvifor lisensen er høg når ein ser kva som må til for å lage eit om lag åtte minutt langt innslag i NRK Sørlandet si sending i går, frå om lag 18:47 til 18:55. Her var Anne Berit Larsen som stod for ein del av praten, men Svein Sundsdal var og med, han hadde ein prat med Steinar Kyrvestad, og Erik Wiig-Andersen laga reportasjem ned Jostein Rysstad og kona Caroline om gleda ved å få busette seg på eit småbruk.

Eg talde ikkje kor mange dei var frå NRK i Kristiansand, men dei kom i løpet av dagen med fem bilar. I tillegg til TV-innslaget var det nokre innslag i sendinga i radioen både i perioden frå 11 til 12:30 og i perioden frå 16 til 17:30. Ettersom det ikkje høvde for meg å få med meg særleg mykje av sendinga i radioen, veit eg at det var ein prat med Kay Jeiskelid og Jon-Rolf Næss, men det verka og som om det var mykje annan som skulle med i sendinga, så særleg Valle-preg fekk ho ikkje, så langt eg fekk med meg.

Eg føreslo at dei skulle lage noko med karenarane våre, dei kunne få dei til å synge ein sang og fortelje om festivalen som skal vere på Evje sundag frå klokka 18 til 20.15, med country gospel music med norske artistar som har vore i Burma og fått konserten avbroten fordi soldatar kom og dei måtte flykte hals over hovud tilbake til Thailand. Det ville kanskje blitt eit minutt i radiosendinga, men det var visst ikkje interessant. Heller ikkje var det interessant å lage noko med Olaf Engestøl jr. som er KrF sin ordførarkandidat i Iveland. Han kom innom i Valle i går, som eg skreiv på bloggen i går, saman med Kjell Ingolf Ropstad, og dei sat og venta til klokka 15 for at folka i NRK skulle finne ut om dei ville lage noko med dei. KrF sin ordførarkandidat i Valle var heller ikkje interessant, like lite som Venstre sine folk var det, dei sat i bakgrunnen medan Tarald Myrum og Steinar Kyrvestad vart spurde ut, og så fekk dei vinke til sjåarane til slutt. Høgre sin Frode Verpe, ny og urøynd og likevel ordførarkandidat, var ikkje på TV, om nokon av dei som ikkje var på TV, kom på radio, det har eg ikkje fått med meg.

Men onsdag 7. september kjem dei i Valle Radio, alle saman, anten dei var på TV eller ikkje i går, for då skal Ole Birger Lien stå for valsendinga vår. Det skal i grunnen ikkje så mykje til for at det vert betre enn NRK klarte å få ut av stuntet sitt i Valle onsdag 24. august.

Stortingsbesøk

Share

I dag kom Kjell Ingolf Ropstad på besøk til Valle. Det hadde nok samanheng med at NRK sin valgbil var i Valle i dag. Dei hadde jo invitert folk til å kome innom. I tillegg til Bjørgulv T. Berg var Olaf Engestøl jr med han, han er KrF sin førstekandidat i Iveland. KrF stiller liste i Iveland, Evje og Hornnes og Valle i år, så Kjell Ingolf måtte då representere Evje og Hornnes.

Vi møttest ute på gata, og etter ein liten prat, vart dei med opp i klasseromet for å sjå korleis vi har det som underviser utlendingar i norsk. Der oppe sat folk frå NRK Sørlandet som redigerte program og nytta datalinjene våre for å få kontakt med Kristiansand. Men vi fann vegen inn i mitt klasserom og sette oss til å prate der. Det vart ein triveleg time der vi kunne snakke om laust og fast både når det gjeld Valle Radio, Setesdalswiki og flyktningar og innvandrarar, mellom mange andre emne.

Eg har jo vore saman med Kjell Ingolf på ulike arrangement i regi av Setesdal Regionråd, så vi var gamle kjende, ikkje vanskeleg å prate med han. Olaf Engestøl hadde eg hatt kontakt med på Facebook tidlegare, og skrive artikkel om på Setesdalswiki, så vi opplevde det som om vi var gamle kjende som møttest, sjølv om vi ikkje hadde sett kvarandre før.

Eg har tidlegare utfordra Olaf til å skrive på Setesdalswiki, og no vart det høve til å gje han eit lite kurs i korleis ein gjer det, og han lærte fort. Det tok ikkje lang tid før han hadde på plass ein liten artikkel om Svein Hillestad. Utgangspunktet vårt er at vi vil få blå lenker på alle kandidatane på KrF-lista i Iveland 2011, og no ser det ut til at vi kan få det om ikkje så lenge. Det vil i så fall bli den første lista som er blå av årets vallister. Så du kan tenke at eg er glad, å få ein medhjelpar på Ivelandsstoff hadde jo vore eineståande.

Kvart over fire tok han bussen nedover dalen att, og så kunne eg skrive bloggen og glede meg over situasjonen.

Valgbilen til NRK kjem til Valle

Share

I morgon kjem NRK Sørlandet sin valgbil til Valle. Den starta i Arendal i går, var i Mandal i dag og kjem altså til Valle i morgon før den kjører ned att til Kristiansand på torsdag. Eg tenkjer at det var i grunnen ein heil rundtur den første veka, og skal dei halde på slik, vert det mange kilometer.

I dag var Jørund Georg innom og fortalde at vi ikkje måtte parkere framom skulen i morgon, for den plassen skulle reserverast NRK, som skulle få straum frå det gamle kommunehuset. Det vert vel kanskje litt kamp om parkeringsplassane då, tidvis er det ganske fullt der, så når dei må finne andre plassar, vil folk som kjem seinare, måtte leite noko.

Etter det vi kjenner til, vil dei vere her frå om lag klokka 9 og halde på til 20.30, og føremiddagssendinga skal gå frå Valle i morgon, så om du har høve til å høyre på den, kan du vel kanskje få høyre litt Vallemål i radioen. Så vil dei gjere opptak til TV-sendinga i morgon kveld, så det vert ein lang mediedag i morgon.

Så spørst det om det er nokon som vil på lufta med synspunkt om valet i år. I dag sat eg ute i sola ei stund og praten kom fort inn på valet. Men det spørst om folk vil på lufta med synspunkta. Det er mykje usikkert i Valle i år, Venstre stiller liste for fyrste gong på mange år, og talet på representantar i komande kommunestyre er redusert frå 21 til 15. Desse to faktorane kunne nok gje spenning i seg sjølv, men så har ein i tillegg rollelista i dette dramaet med nye toppkandidatar, dels med erfaring, dels heilt utan. Mange gjev seg, andre kastar seg på karusellen og vonar at dei får sete i kommunestyret etter 12. september.

Ny rådmann skal og tilsetjast, og fleire etatsjefar sluttar, så det vert utskifting i 2011 på mange plassar, og kanskje må ein til med ei ny organisasjonsendring når det kjem ny rådmann, så det kan bli mange omorganiseringar om det skulle skje. Men det spørs kor mykje NRK sin valgbil får med seg av stoff, det skal bli moro å høyre på sendinga deira frå klokka 11 i morgon. Så får det våge seg at det vert mykje musikk som ein må svelgje det med, det er hovudproblemet til NRK Sørlandet, men det er ei anna historie.

http://www.nrk.no/nyheter/distrikt/sorlandet/1.7757534

Solidaritetsfestival for Burma

Share

Sundag 28. august 2011 skal det vere solidaritetsfestival for Burma på Evjemoen Kino klokka 18-20.15. Ordfører Bjørn Alfred Ropstad deltar og det blir Country Gospel-konsert med Arly Karlsen, Kjell Elvis, Steven Kvinlaug, Cindy Kvinlaug og Jan Egil Omdal blir med. Karen-gruppen Can’t Change synger. Beat Box show ved Maehteh fra Flekkefjord. Film om flyktningssituasjonen. Karensk barnekor synger. Liv Ellen intervjuer sannhetsvitner fra Burma. Salg av spennende mat fra Burma. Fri entre. Innsamling til hjelpearbeid og barnehjem. Arrangør: Hvite Lilje.

Ovanståande er innhaldet av ein plakat som ein av dei burmesiske flyktningane i Valle hengde opp i dag. Eg var ikkje sein om å få det med på Setesdalswiki, på 28 august 2011. http://www.setesdalswiki.no/wiki/28._august_2011

Så rota eg litt rundt, og då fann eg at Arly Karlsen, Kjell Elvis Bjørnestad og Jan Egil Omdal sammen med minnestiftelsen Hvite Lilje og eit TV2-team i 2 veker i fjor reiste til forskjellige flyktningleirar og barneheimar på grensen til Burma for å underhalde og hjelpe flyktningar med både mat, hus, leker og skoleutstyr. Dei prøvde og å ha ein konsert inne i karen-kontrollert område i Burma, men måtte avbryte konserten og i all hast ta seg tilbake til Thailand, då burmesiske soldatar var på veg til konsertstaden. Du kan lese meir om dette og sjå bilete på: http://www.arly.no/index.php?artikkelid=450&back=1 som er Arly Karlsen si heimeside.

Eg vonar du som les dette, spreier ordet, slik at det vert mykje folk når dei karenske flyktningane på Agder samlar seg for å hjelpe organisasjonen som hjelper i flyktningeleirane. Dei gjev eit positivt bidrag til bygdene våre og treng stette frå oss tilbake.

Kvardag att

Share

Så er minneseremonien i Oslo Spektrum over og det vert kvardag att, ein månad etter hendingane i Oslo og på Utøya. Fint å høyre Kong Harald tale og verdig å sjå bileta av dei mange som ikkje lenger er iblant oss. Dei har hatt ein jobb for å finne gode bilete dei kunne presentere folka med, men det var verdig gjort.

No er alle dei som døydde, gravlagde. Familiane sørger framleis, men sorga går no over i ein annan fase. Ein sit att med minner som ein vil ta med seg om folk som ein var saman med. Mange pultar sto tome då skulane starta opp att i haust. Også der var det nok minnemarkering, og vener og lærarar vil sakne dei som er borte, slik dei gjer det kvar gong ein i nærmiljøet går bort.

Eg har fleire gonger tenkt at vi burde hatt ei minnemarkering i Valle Radio når nokon går bort i nedslagsfeltet vårt. I haust vil eg prøve å få det til som ein del av tysdagssendingane når det høver.

17. mai 1940 las Nordahl Grieg diktet I dag står flaggstangen naken blant Eidsvolls grønnende trær. I det siste verset der heiter det:

Her skal vi minnes de døde som ga sitt liv for vår fred,
soldaten i blod på sneen, sjømannen som gikk ned,
Vi er så få her i landet, hver fallen er bror og venn.
Vi har de døde med oss den dag vi kommer igjen.

I kvardagen er det lett at vi ikkje minnest dei som er gått bort. Ved å gje kvarandre nokre minnesteinar, vil det vere lettare å minnast dei. Det bør vi hjelpe kvarandre med.