Problem-start

Share

I går hadde eg annonsert at vi starta opp att med tysdagssendinga i radioen. Og eg hadde gått ut frå at det ikkje var blitt problem i løpet av sommarferien. Men då rekna eg feil. Då vi kom i radioen, var P4 ikkje å høyre, og vi fekk ikkje til å kople opp til Bykle. Eg prøvde å ringe Jørund Georg Jore, som er teknisk sjef, men han var på skytebanen og hadde ikkje mobilen med seg der.

Siri fann nummeret til Reidar Trydal, han var heime og kunne gå i radioen for å sjå kva som var feil, og det var visst feil på Valle-boksen, så han og Jørund måtte snakke saman, og det skulle dei visstnok gjere i dag. Så spørs det om kva dei fann ut.

Som om ikkje den starten for radioen var problemfylt, så var og turen til Valle problemfylt for Siri. Ho bur på Bygland og likar å vere teknikar, men i går ville ikkje bilen gå lenger enn til svingen nord for Helle. Så ho måtte ha Viking frå Bykle til å hjelpe seg. Men Viking var på Hovden for å hjelpe ein annan, så ho måtte vente. Då ho fortalde at ho skulle i Valle Radio og vere teknikar, kasta Arvid Gjerden seg rundt for å hjelpe henne og tok bilen på lasteplanen og køyrde til radiohuset så ho kunne nå sendinga, så tok han bilen ned av planet og fann feilen og fiksa det slik at bilen kunne svive og gå. Kudos til Arvid for flott service til beste for Valle Radio.

Reidar Tveito kom i studio for å fortelje om boka si. Når det ikkje blei sending, fekk vi likevel ein hyggeleg prat, og han køyrde bak Siri nedover dalen slik at ho skulle få hjelp om det vart nye problem. Men det vart det ikkje, etter det eg fekk høyre.

Så no står det att å løyse problema knytt til boksane i Bykle slik at vi kan kome på lufta att.