Framfor ein ny sesong

Share

I kveld var det styremøte i Valle Radio. Vi står framfor ein ny sesong og det er nokre faktorar som gjer at vi er litt usikre på korleis det skal gå.

Eg fekk høve til å vere med på styremøtet og fekk høyre at vi må ha ein ny boks i Bykle for å kome på lufta, så når eg hadde tenkt å ha sendingar i august, må eg nok bare vente.

Elles har Ørnulf gått ut i Setesdølen, det kjem kanskje i morgon, med spørsmål om å få nye medarbeidarar, for det er både teknikarar og programleiarar som går ut av turnusen, og då treng vi nye. Om vi ikkje får nye, må vi kan hende redusere sendingane til annankvar veke.

Det er kome eit initiativ frå Bygland kommune om at vi kanskje kan overføre kommunestyremøta deira, og det skulle vi finne ut meir om, både med omsyn til utstyr og tidsavklaring.