Onsdagskvelden høyrde vi om Valle Sparebank sitt filmprosjekt i høve 150 årsjubileet i 2016. Alt no legg dei ut små filmsnuttar på Facebook for å stimulere folk til å kome med filmar som kan bli med i prosjektet.

Sist veke kom det ut ein film med glimt frå Valle på 1970-talet. Her er lenke til filmen, som ligg på YouTube:

Det slår meg at det er 40 år sidan filmen vart laga, og mange av dei som er med på filmen, er borte i dag. Ungdommane vi ser, er kanskje i 50-60 årsalderen, så det blir litt av ein jobb å identifisere dei på ein måte som gjev dagens innbyggjarar i Valle meining.

Sjølv har eg snart budd 25 år i Valle, og sjølv om eg drog kjensel på nokre, var det langt fleire eg ikkje kjende att. Ein slik film bør jo gje atterkjenning, eller så må han setjast inn i ein heilt ny samanheng.

Det skal bli interessant å sjå korleis ein løyser dette etter kvart som arbeidet går framover.