Fredagskveld i Valle Radio 5. februar 2016

Share
Fredagskos til rebusløysing. Foto: Britta Lise Homme
Fredagskos til rebusløysing. Foto: Britta Lise Homme

Vi samarbeider litt med Evje Radio, mellom anna ved at våre sendingar tirsdags- og onsdagskveldane går ut over deira nett. Det gjer at dei har meir lokalt stoff i si sendeflate. Men vi må også ha nokre fredagskveldar, slik at dei slepp å drepe medarbeidarane sine med fredagssendingar.

Noko av grunnen til at Valle Radio har klart å ha sendingar to kveldar i veka sidan 1997 trur eg er at vi har dei midt i veka, fredagskveldane vil folk helst vere med familien, anten heime eller på hytta. I kveld hadde Øyvind Jacob ansvar og Siri Johannessen var teknikar, Bitte tok telefonen under Opi sending, der Ørnulf og Bjørgulv var saman.

Men responsen frå lyttarane har vore laber dei siste åra, og denne kvelden var kan hende ikkje noko unntak, etter det eg har fått vite. Eg fekk til og med oppmoding om å rine inn svar på rebusane, men det var ikkje så enkelt, for det var eg som hadde laga dei, og då kan eg ikkje ringe inn. Dei ligg for øvrig på sida som programmet har på Setesdalswiki, så dei som klikkar seg inn der, kan førebu seg til rebusen kjem.

Legg att eit svar

Epostadressa di blir ikkje synleg. Påkravde felt er merka *