Våren 2016 i Valle Radio

Share
Dette biletet av ei snøkledd bu i Homme er frå februar 2014. Foto: Åsmund Svendsen Bjørgum
Dette biletet av ei snøkledd bu i Homme er frå februar 2014. Foto: Åsmund Svendsen Bjørgum

Med februar går vi inn i siste vintermånad, og det merka vi i dag. Då dagen på skulen var over, låg det eit 10 cm lag med snø på bilen, nokså kram snø, det var ei heil økt å skuffe den vekk.

I går la eg inn oversynet over onsdagssendingane i Valle Radio på Setesdalswiki. Der kan du sjå korleis planen er utover i vårsemesteret. Eg har ingen onsdag å ha ansvar for i februar, men så ser det ut til at eg har ein onsdag i månaden når våren kjem. Vonar at snøen ikkje aukar mykje i løpet av februar her nede i dalen, på heia er det ok med snø, då kan dei som likar snø, dra dit.

Men tysdagane vonar eg kan gå som vanleg. Her er programmet for morgondagen, tysdag 2. februar 2016:

Ansvarleg: Harald Haugland
Teknikar. Siri Johannessen
18.00 Kvarteret
18.15 Over ein open Bibel
18.30 Aktuell time
19.30 Sangkveld
20.30 Postludium
21.00 Kyrkjebakken
Så er det ikkje vanleg onsdagssending denne veka, i staden vert det fredagssending med Øyvind Jacob.

Legg att eit svar

Epostadressa di blir ikkje synleg. Påkravde felt er merka *