Forever-besøk

Share
Koseleg kveld med besøk av Hermund og Kari som får smake Reiduns rundstykke og kremkake på toppen
Koseleg kveld med besøk av Hermund og Kari som får smake Reiduns rundstykke og kremkake på toppen

I dag hadde vi besøk av Hermund og Kari. I meir enn eitt år har eg vore kunde hos dei, og no var det tid for å få påfyll med Aloe Vera Juice. -Eit glas kvar morgon gjer underverk, sa dei då eg tok til, og eg tenkte at det kan eg prøve, om ikkje anna så for å støtte bror min og kona hans i å prøve seg som forhandlarar for Aloe Vera produkt frå Forever.

Av og til reiser dei på samling for Forever-forhandlarar, og i dag hadde dei vore i Kristiansand då dei kom innom oss. Som vanleg etter eit slikt møte er dei begeistra for det dei får vere med på. Vi fekk oss ein hyggeleg prat om laust og fast, og så kunne vi skeie ut i matvegen med Reidun sine nysteikte rundstykke og ei kake vi ikkje hadde prøvd før: Sukkerfri kremkake med nøttebunn og sjokoladelokk. Den var laga av mandelbunn og sukrin, Philadelphiaost og krem.

Forever skal hjelpe oss til å gå ned i vekt, eller i det minste ikkje gå opp noko særleg, og den har vore medverkande til at eg har gått litt lettare ei stund. Så eg er godt nøgd med den.

Legg att eit svar

Epostadressa di blir ikkje synleg. Påkravde felt er merka *