Ole Bulls ostekake

Share
Ole Bulls ostekake
Oppskrifta er frå omkring år 2000, og det er sanneleg koppen også, den var det Lærerforbundet som ga til medlemmene i si tid.

Denne kaka har vore ein sikker vinnar i mange år i vår familie. Det var hustell-lærar Marianne på Valle skule som delte oppskrifta med oss. No har eg arbeidd i Valle Vaksenopplæring sidan 2002, så det må ha vore omkring år 2000 at eg fekk oppskrifta med heim på eit gult ark. Det har sidan hatt ein plass i oppskriftsboka til Reidun.

Også i dag var kaka på bordet, vi feira Nikolai sin sjuårsdag med oksesteik frå Brokke Naturkjøt og Ole Bulls ostekake til dessert.

Oppskrifta har vore vanskeleg å finne på Internett, så når folk som har smakt den hos oss, seinare har leita etter oppskrifta, har dei blitt skuffa. Men no deler vi den med dykk som les bloggen, i det minste. Kaka bør helst lagast dagen før den skal serverast, for den må stå i fryseboksen til den er stivna.

Knus 4-8 Bixit-kjeks i ein plastpose og legg i botnen av forma. Spar litt til å ha på toppen.

Pisk 3 eggeplommer med 200 gram sukker.

Ha i ein boks gourmet-ost (ananas/mandarin eller naturell).

Pisk kremfløte av ein pakke (1/3 liter)

Stivpisk dei tre eggekvitane.

Bland alt saman, ha i forma (24 cm) og sett i frysaren til den skal serverast.