Verdsvid kyrkje

Share
St Georgskyrkja i Panagyurishte i Bulgaria

Fleire gonger i det siste har vi høyrt at det er 40% kristne i verda, men at det er 7000 unådde folkeslag.

Eg vil heller snu perspektivet litt og sjå på den verdsvide kyrkja. Kvar sundag samlast folk her i landet til gudstenester, det gjer dei i andre land også. Eg har blitt glad i gudstenesta på svensk TV2 klokka 10.05 sundagsmorgonen, der ser vi fulle kyrkjer og får høyre flott sang.

Men i går og i dag har eg oppdaga eit verktøy på Wikipedia for å legge bilete av kyrkjer inn på Wikidata, slik at bileta kan bli brukte på alle den mest 200 wikipediaene vi no har. Og då har eg sett kyrkjer av svært mange slag og i svært mange utformingar. Dei avspeglar ei verdsvid kyrkje, anten det er i Norge eller Bulgaria. Og i kyrkja eg tek med på bloggen, har dei til og med bilete av St. Georg i kamp med dragen, så avstanden mellom Setesdal og Bulgaria hindrar ikkje at ein har felles tradisjon å ta vare på.

Og når eg høyrer sangen frå Nederland, slik eg fekk i dag tidleg og delte på Facebook, gleder eg meg.