Juletid

Share

Eg kom til Setesdal i slutten av august 1991. Ikkje lenge etter at eg begynte i stillinga som avdelingsleiar for kyrkja i Valle, opplevde eg at Eilert Hægeland, Kirsten Bråten Berg og Hallvard T. Bjørgum øvde i Hylestad kyrkje til innspelinga av albumet Juletid. Øvinga var i Hylestad, men sjølve innspelinga skjedde i Veum kyrkje i Fyresdal.

Sidan har denne plata og musikken deira fylgd meg kvart år i førjulstida. Dåmen i musikken er unik, tre musikarar av premium class tolkar tonar frå Setesdal til tekstar frå Salmeboka.

Ein av dei finaste er Du vere lova Jesus Krist, som den heiter i Norsk salmebok 2013. Kirsten syng den på bokmål, Du være lovet, heiter den då.

I dag sytte eg for at det kom artikkel om sangen på bokmålswikipedia, den hadde alt artikkel på nynorsk, så det var i grunnen bare å omsette den til bokmål. Da lærte jeg at den har røtter tilbake til før-reformatorisk tid, men at Luther omsette den til tysk, Grundtvig til dansk i 1837, Landstad til norsk i 1855, Blix til nynorsk i 1875. Kirsten bruker ein folketone frå Setesdal, oppteikna av Knut Johnson Heddi. Medan den i Norsk salmebok 2013 har bare eitt vers, er det heile fem vers på Juletid-plata. Den ligg på Spotify, gå gjerne inn og høyr den om du har høve til det.

Kan hende kjem den også i Valle Radio i denne søte juletid.

Legg att eit svar

Epostadressa di blir ikkje synleg. Påkravde felt er merka *