Peiskos

Share

Peiskos var svaret på den første rebusen i Valle Radios Open sending i kveld. Ronny Stavsholt hadde ansvaret, og då ingen andre hadde ringt inn, kasta eg meg på telefonen og fekk ein prat med han. Vi har peis, men ikkje peiskos, for det er mange år sidan den var godkjent av brannvesenet. I staden har vi god fyring i ein vedomn med kokeplate, det er nyttig når straumen går.

Som du ser har eg kome meg i skriving att etter at laptopen min tok kvelden. Med god hjelp frå Helge kom den frå Komplett til Coop Prix på Malmø i Mandal i dag. Deretter var det å gå gjennom oppstartrutinar, og så var eg i gang att. Med Windows installert prøver Microsoft så godt dei kan å binde meg til deira system, men med Helge si hjelp fekk eg installert Chrome og fekk så lik skjerm som eg kunne i høve til den gamle. Men tastaturet er litt ulikt, særleg valdar Enter-tasten meg bry. Det kjem seg nok etter kvart.

Her er programmet for kveldens sending i Valle Radio, ettersom eg fekk maskinen i dag, kunne eg skrive det inn på Setesdalswiki i kveld:

Onsdagssending i Valle Radio 20190130

Share/Save/Bookmark

Onsdagssending i Valle Radio 20190130 er sida til programmet i Valle Radio onsdag 30. januar 2019Ørnulf Hasla var programleiar, Liv Gunn Viki teknikar, Solveig Rysstad og Jorunn Helle var telefonvakt frå klokka 20.30.

Program

19.00 Tankar frå Bibelen

19.30 Kommunen informerer

  • Med rådmann Aud Sunniva Fuhr

20.00 Ørnulfs time

21.00 Opi sending

Sjølv fekk eg med meg det meste av Ørnulfs time. Men han konkurrerer med Linda Eides språkshow på tv, så før det sluttar, er det ho som fangar meg som oftast.

Legg att eit svar

Epostadressa di blir ikkje synleg. Påkravde felt er merka *