Holmen

Share

I mørke og grå november kan ein drøyme om midnattsol og fiske av småsei i Gisundet nokre kilometer nord for Finnsnes i Troms. Der var eg ungdomsarbeidar for femti år sidan. Troms indremisjon trong ein person til dette og eg nytta høvet til eitt år i nord.

Eg visste jo ikkje at det skulle kome 15 år seinare i livet der eg fekk bu på nordsida av Hadseløya i Vesterålen.

Mange gode minne frå tida i Troms kom fram då eg fann nokre gamle bilete. Det meste er likevel i gløymeboka, men når eg ser på tv frå Troms, kjem minnene tilbake.  Gryllefjord, Torsken, Skaland, Vangsvik, Silsand, Finnsnes og sørfylket. Det vart mange turar med buss.

I dag kan ein sjå tilbake på møte med mange fine folk og mange gode opplevingar.

Biletet er frå jonsokfeiring på Holmen leirsted.

Legg att eit svar

Epostadressa di blir ikkje synleg. Påkravde felt er merka *