Språk og mat

Share

I kveld var det ikkje lett for professor Akselberg og finne ei god forklaring på dei mange orda vi har på vekster vi brukar til mat. Nepe, kålrot, kålrabi, rabbe, knutekål, både raud og kvit. Eides språkshow fengar i alle falle ein språkinteressert mann her i stova, men alle sit vi klistra til skjermen når Linda Eide spelar opp på ei av sine mange blokkfløyter.

Interessant var det å høyre Tore Renberg som siddis, han skriv på bokmål, men måtte skrive på nynorsk då bokmålet turka ut, om eg forstod det rett.

Her på bloggen vekslar eg mellom bokmål og nynorsk, til no har ingen av språkformene turka ut, og utruleg nok finn eg eitt og anna å skrive om dei fleste kveldane, også når eg ikkje er ute og fangar opp inntrykk.

I dag var det forresten baking som stod på timeplanen her i huset. Det vart både brune pinnar og krumkaker. Smaksprøvene viste at oppskriftene var gode også i år og bakarmeistrane er det ingen grunn til å klage over. Laurdagsgrøten til Fjordland kan ein også anbefale og brødmåltida er både varierte i brød og pålegg når ein kan ha cottage cheese og ulike sortar syltetøy på bordet. I kveld fann eg bildet hos Tine.no

Krumkaker

Legg att eit svar

Epostadressa di blir ikkje synleg. Påkravde felt er merka *