Svalbard minutt for minutt

Share

NRK starta i dag sendinga Svalbard minutt for minutt. Den skal gå i ei veke og vi skal fylgje hurtigruta rundt øygruppa. Det fekk meg til å lure på om Setesdalswiki har artiklar der Svalbard er nemnd, og det hadde vi.

Den siste artikkelen kom i dag og handla om Odd Birketvedt. Han var frå Konsmo, gjekk på Hornnes gymnas i 1936 og studerte sidan jus. Sjølv om han seinare var politiembetsmann på Romerike, tok han persmisjon eitt år for å vere assistent hos sysselmannen på Svalbard og i perioden 1956 til 1960 var han sjølv sysselmann der.

Jorunn Tove Høiland på servicekontoret i Evje og Hornnes har vore tilsett hos sysselmannen og med i lokalstyret, så ho sit nok og fylgjer med på sendinga. Ho har sjølv fortalt om Svalbard ved fleire høve.

Eva Bjærum gifta seg med Peder Sandvik i Svalbard kyrkje og Herdis Lien har hatt foredrag på Bjåen fjellstove om karane frå Bjåen som overvintra der.  Søk på Svalbard i søkefeltet på Setesdalswiki, så får du opp meir.

Og slik såg det ut då dei la frå kai:

Det var musikk og folk som vinket skipet avgårde da det forlot kaia i Longyearbyen i august. Svalbardposten var også tilstede på denne begivenheten. Foto: Siri Åbø Wiersen/Arkiv

 

Legg att eit svar

Epostadressa di blir ikkje synleg. Påkravde felt er merka *