Sauer i fjellet

Share

I kveld var det igjen sending i Valle radio. Siri Johannessen hadde laga eit variert program for ei sommarsending. Ho lurer nok litt på om det er mange som høyrer på i denne tida, men truleg er det nokre som får det med seg anten på FM eller på nettradio.

Eit tema i kveld var sauer i fjellet. Då snakka ho med Kåre Blålid frå Lillesand. Han er leiar i Aust-Agder Sau og Geit. I styret har han med seg Linn Kristin Flaten, Sven Reiersen, Trygve Steine og Jorunn Synnøve Uppstad.

Kåre Blålid har sauene sine i området nord for Bjrnevasshytta, Der har dei det godt om ein tenkjer på ville dyr som kunne jakte på dei. Men laushundar i fjellet er ei plage. I år har han funne 5 sauer som er sprengt så dei døyr. Det betyr det doble i morlause lam, og dei kan ofte vere vanskelege å få inn om hausten. Sauene hadde GPS og kunne difor sporast. I går var han på heia for å sjå etter dyr utan GPS som også kunne vere borte, og han fann eitt I sendinga vart vi minna på at det er bandtvang frå 1. april til 20. august, – uansett. I Valle er det endåtil streng båndtvang, som han kalla det.

Når det gjeld sauer drepne i trafikk, så skje det sjeldan, men om det skjer, så er det viktig at sjåføren melder frå. Det står navn og adresse på klaven til sauen, så det burde ikkje vere vanskeleg å gje melding. Det er inga straff, men det høyrer med til dyrevelferd at eigaren får ta hand om dyret når uhellet er ute.

Legg att eit svar

Epostadressa di blir ikkje synleg. Påkravde felt er merka *