Lyrikk og musikk

Share

I dag hadde eg ein hyggeleg prat med Olav Mosdøl frå Kviteseid. Han har pensjonert lærar og arbeidde på Kvitsund gymnas då Sigmund Haugland, Torstein Bjørgum og Eivind Austad Hovet gjekk der.

Gjennom åra har eg hatt litt kontakt med han i samband med Valle Radio, for i tillegg til å vere pensjonert lærar er han også lyrikar og har gitt ut mange diktsamlingar. Eg likar godt når folk tek kontakt og vil vere med i Valle Radio, og vi avtalte at han skulle vere med onsdag 2. desember klokka 20 og fortelje om boka og plata og samarbeidet han har med visesongaren og musikaren Hege Bålsrød.

Første diktet på plata Havet av dagar får du her:

Havet av dagar
er stort og djupt,
me ser sjeldan strendan
skodar aldri botnan.
Den solrike dagen
seglar skipet mot vester,
utan at me er slavar
som ror.
Sekund sig bort
døyr i augenblinken
mellom før og no,
i dette sekundet
lever me
er til.
Livet er ikkje dagen i går
og ikkje dagen i morgon,
livet er no
i dette sekundet
som fødest og døyr.
Me fekk eit sekund av æva.
Havet av dagar - YouTube
Musikken får du 2. desember i Valle Radio om du ikkje leitar deg fram på Spotify og høyrer dei to første spora der.

Legg att eit svar

Epostadressa di blir ikkje synleg. Påkravde felt er merka *