Heller folk enn datamaskinar

Share

Gamle menn vil heller snakke med folk enn datamaskinar. Altså droppa eg covid undersøkinga og sa til folka som skulle sjekke at eg var vaksinert, hadde ikkje vore i utlandet, ikkje vore saman med nokon osv. Og sjølv om eg ikkje svarte på spørsmåla, fekk eg kongeleg behandling av folka på sjukehuset. Det inkluderte endåtil ny maskin, såkalla bipap som gjev meg pustehjelp når eg søv. Reidun meiner eg søv betre etter at eg fekk den, det har ho merka alt.

Eg har bare vore heime i koronatida, sjølv om eg kunne hatt lyst til å ta ein tur ut og treffe folk. Rett nok kjørte eg Reidun til Arendal, den turen har eg fortalt om før, men eg trefte ikkje nokon på den turen heller, då sat eg og såg på gullregn medan ho var inne til kontroll.

No i kveld klarte vi å få lagt inn siste Setesdølen, den var tykk fordi no er det evjedagar og då var det mange annonser. Men dei skriv eg jo ikkje inn, så det var overkommeleg likevel.

 

Kan være et bilde av tekst som sier '+ Covid-19 Smittekontroll For du gảr inn ber vi deg svare pả noen sporsmal Les av QR-koden med din mobiltelefon, eller gả inn pả hjemmesiden: en:www.sshf.no/digital-creening www.sshf. Vis kvitteringen /digital-screening får kontollor ved inngangen. Svarene dine blir ikke lagret eller arkivert. SORLANDET SYKEHUS'

Legg att eit svar

Epostadressa di blir ikkje synleg. Påkravde felt er merka *