Kulturprisen 2021

Share

Under Sauesjå 2021 i Valle i dag fekk Valle Radio Valle kommune sin kulturpris for 2021. Vedtaket om at radioen skulle frå prisen vart gjort i vår, og til vanleg blir prisen delt ut 17. mai, men også i år var feiringa av nasjonaldagen prega av korona. Det ville ikkje gi meining å dele prisen ut i eit lite studio, det var meir høveleg å dele han ut når folk kunne samlast att.

På sauesjået kunne folk kome, det var ute, sentrum var fullt av folk, ein hadde fått ein scene der programmet kunne bli sett av folk, så alt låg godt til rette. Og så fekk ein høveleg godt ver, kven hugsar vel ikkje dagar med sklette og regn og sterke vindkast.

Då Ørnulf Hasla fekk vite at det var radioen som skulle få prisen, kalla han inn alle medarbeidarane. Det var ikkje alle det passa for, men ein fin gjeng møtte opp. På bildet eg såg var det bare menn i fronten, men eit par kvinner hadde også kome seg opp på scenen.

I følge Setesdalswiki vart Valle Radio etablert i 1997. Det betyr at vi har 25-årsjubileum neste år. Kan hende er det på tide å skrive soga om radioen vår. Det kan Britta Lise gjere ut frå gjestebøkene ho har vore så god til å syte for at vi skriv i når vi er i radioen. Det er mange namn der som fortener å få omtale og takk for innsatsen som er gjort for å halde dette kulturtiltaket i drift.

Gratulerer frå Mandal også!

Kan være et bilde av 3 personer, folk som står og tekst som sier '2021 VALLE RADIO 1XS Valle radio fekk Valle kommune sin kulturpris under sauesja laurdag. Frả venstre: Torunn Charlotte Nyberg, kulturleiar Valle kommune, Ornulf Hasla, redaktor i Valle radio og Steinar Kyrvestad, ordforar Valle kommune. Foto: Ole Birger Lien Valle radio fekk Valle kommune sin kulturpris under sauesja laurdag'

Legg att eit svar

Epostadressa di blir ikkje synleg. Påkravde felt er merka *