Håvard og Simen

Share

Om ei veke kjem Håvard Rem og Simen Rem til Nordibø landhandel i regi av Folkeakademiet Valle. Det blir einaste konserten deira i Setesdal, så om du vil oppleve dei, må du rydde plass i kalenderen denne kvelden. Dei skal halde ein konsert/ opplesing av tekstar og dikt av Håvard Rem, og komande tysdag klokka 19.50 skal eg ha ein samtale med diktaren i Valle Radio.

I 2020 kom han med ei utgjeving han kalla Almanakk. Den har små dikt for kvar dag i året, mest som ei andaktsbok. Eg høyrde litt på ein snutt som ligg ute på YouTube, det er mest som små stev og kan slik minne om stevboka til Kirsten Bråten Berg.

Han har vel i grunnen godt grunnlag for å lage andaktar, han er son av ein pinsepredikant og hadde oppveksten sin på ulike stader der faren var pastor. I eit intervju i serien Reisen hjem, som Egil Svartdal laga, vart han spurd om kor han rekna som heimplassen sin, og då svara han Sørlandsbanen.

Du kan lese meir om Håvard Rem på Wikipedia.

Hrem2020 Foto Anna-Julia Granberg.jpg

 

Legg att eit svar

Epostadressa di blir ikkje synleg.