Produktiv pensjonist

Share

I det siste har det vore diskutert om folk skal få jobbe i det offentlege når dei passerer 70. Mange professorar får høve til å jobbe noko lenger, men andre må slutte den månaden dei passerer streken. Nokre synest det er fint, andre kunne godt tenke seg å halde på framover, forske litt og følgje faglege interesser litt framover.

Reidar Tveito, som fyller 75 i dag, har hatt eit stort arbeid med å digitalisere alle bilda han har teke opp gjennom åra. Vi som har hatt gleda av å studere bøkene hans, veit at han har mange tusen bilder, i bøkene hans er det fire-fem bilder på kvar side.

Slik skreiv han sjølv 28. oktober 2021:

Oktober månad har gått med til å digitalisera 3400 negativer, mesteparten frå svart-kvit film. Mykje rart dukkar opp då, hendingar som for lengst er gløymt. Er det nokon som minnast då Båtforeninga fekk til ein konvoy fra Byglandsfjord til Ose? Det var i 1983, på den 16. juli. På bildet er vi på veg gjennom Bjåfjorden, og ein ser litt av Skomedal heilt til venstre. Målet var Fiskefestrivalen på Ose den dagen.

Sjølv har eg hatt stor glede av å putle med Setesdalswiki og Wikipedia etter at eg vart pensjonist, ja før også. Eg likar å skrive, men sjkønnlitterær skriving som noveller og romanar har eg ikkje våga meg på. Sakprosa er noko anna, då er det snakk om å skrive noko på basis av det andre har skrive tidlegare. I våre dagar er det slutt på papirleksikon, så då kan det vere fint med digitalt leksikon der ein kan finne svar på både kven som vann fotballkampar og skiløp, men også informasjon om folk og plassar både i eige land og andre stader.

Eg skreiv denne helsinga til jubilanten på Facebook i kveld:

Gratulerer med 75-årsdagen. Eg skulle vel ha skrive eit langt dikt, helst eit slikt morosamt som det du siterte av Svein Kleivane i boka om Rundkøyringa, men eg er vel kanskje heller blant dei små rimsmedane enn dei store poetane, så det blir bare eit lite vers:
Takk for bøker du har laga,
Takk for turar du har gått.
Ynskjer du får farga dagar
også når ditt hår er grått.

 

Her er Reidar og andre frå Byglandsfjord i konvoi på veg til fiskefestival på Ose 16. juli 1983

Kan være et bilde av natur

Ein tanke om “Produktiv pensjonist”

Legg att eit svar

Epostadressa di blir ikkje synleg. Påkravde felt er merka *