Budsjett for Valle

Share

I kveldens sending i Valle Radio var det ordførar Steinar Kyrvestad som var i studio i programmet Kommunen informerer. På denne tida er han mest oppteken av budsjettet for komande år, men også av at kommunedirektør Aud Sunniva Fuhr sluttar og flytter til Sirdal. Då må dei ha ein vikar i Valle, og Eivind Berg har lova å overta for ein kortare periode medan ein ny vert rekruttert, så han vil vere på plass neste veke og truleg fungere til april.

I budsjettet for 2022 er det balanse mellom utgifter og inntekter, og kommunen vil ha ein del investeringar. Ordføraren nemnde mellom anna desse: Rehabilitering av kommunehus og helsehus, ny bru til Straume, kloakk frå Nomeland til renseanlegg på Rysstad, oppgradering av Storstoga med amfi og ferdigstilling av rulleskiløype.

Og i morgon er det offisiell opning av parsellen Besteland-Helle på Riksveg 9, då kjem Hans Fredrik Grøvan for å klyppe snora, for han var regionen sin talsmann inn mot sentrale styresmakter då finansieringa skulle gjennomførast.

Dette var programmet i kveld:

Ansvarleg og teknikar Sondre Rua Dokken
19.00 Tankar frå bibelen med Torleif Harstad
19.30 Kommunen informerer med ordførar Steinar Kyrvestad
20.00 Lokal time med bl.a opptak frå utdelinga av prisen til Setesdal spelemannslag frå Gjensidigestiftelsen
21.00 Opi sending med Kristin Laasbye Sagneskar og Ørnulf Hasla

 

Legg att eit svar

Epostadressa di blir ikkje synleg. Påkravde felt er merka *