Kjærkome

Share

I dag kom søster Jorunn og mannen hennar, Ole Thorvald Moen på kaffibesøk. Det var kjærkome, for det er lenge mellom kvar gong ein har høve til kaffi og kake no for tida. Denne gongen starta vi med Baligryte med ris og sidan vart det kaffi og eplekake.

Når ein er på besøk i våre dagar, er jo også mobilen med og den kan konsulterast når det er noko ein lurer på. Naturleg nok snakka damene om strikking, og Jorunn legg noko av det ho strikkar ut på ei strikkeside på Facebook, men det gjer ikkje Reidun. Så då må dei sjå på ting saman.

Eg har mange gonger tenkt at ekspertane snakkar mest om feila dei gjer. Om organisten trør på feil pedal, er det ingen som høyrer det. Om strikkekona bommar på ein maske i mønsteret, er det neppe nokon andre som merkar det heller. Men begge har det til felles at dei helst vil gjere heilt rett. Medan organisten ikkje kan endre på så mykje, musikken er jo ferskvare, kan strikkaren lettare fikse feilen, anten ved å rekke opp og strikke om att, eller ved å sy inn ein rett maske der det var feil, etter det eg har forstått, eg har lite peiling på strikking.

Som du skjønar gjekk praten om mangt og mykje, vi mennene hadde sikkert også noko å snakke om, men det får eg hoppe over her. Jorunn hadde med Mandalskringle og lefse, så med eplekake med krem vart det mest som for 52 år sidan, då vi gifta oss. Underleg nok snakka vi knapt noko om det, men det har vi snakka om mange gonger før, for då var det over ein meter med snø, så vi hadde snøballkrig dagen etter. I år er det grønt ute. Her ser vi Jorunn som mobiliserer……

Kan være et bilde av 1 person og innendørs

Legg att eit svar

Epostadressa di blir ikkje synleg.