Ukraina

Share

Dette landet som før vart kalla Europas kornkammer, med store sletter skapte for å dyrke korn, lid i dag av både hunger og korona. Men Hallvard Hasseløy har drive hjelpearbeid der i mange år, og i kveld var han i Valle Radio både på utpust og innpust for å fortelje om arbeidet han driv. I slutten av månaden kjem han til Klippen Bykle, der Sigrid Bjørgum står for arbeidet med å samle inn klede til folk som frys der sør og aust. Ein sekk med gode og varme klede saman med ein femtilapp til frakt, det er slik det har vore i mange år no.

I Hylestad er det Astrid Nomeland som koordinerer arbeidet, og sekker med klede kan leverast til Nomeland bedehus etter å ha tatt kontakt med Astrid for å avtale tid. Både Sigrid og Astrid var på telefonen i kveld for å fortelje om det lokale. Når Hallvard kjem for å hente sekkane på Nomeland, blir det også møte før han dreg vidare. Det blir klokka 12 laurdag og det blir vaflar og kaffe etterpå.

I samband med at det er Bibeldagen no til sundag, der prosjektet er å samle inn pengar til Biblar til Ukraina, snakka Siri Johannessen også med bibelmisjonsleiar i Bibelselskapet, Bernt Greger Olsen. Han hadde nyleg vore i Ukraina og kunne fortelje levande om trongen for Biblar. Han hadde vore i dette arbeidet lenge, men hadde likevel ikkje lært seg russisk eller ukrainsk, så samtalane med folk der måtte gå på engelsk eller med tolk.

 

Legg att eit svar

Epostadressa di blir ikkje synleg.