Hylestadportalane

Share

I dag tenkjer eg at du bør lese artikkelen om Hylestadportalane på Setesdalswiki. Den har blitt oppdatert av Siri Johannessen i dag og har blitt svært lesverdig med fine bilete. Du les den best på ein stor skjerm, trur eg, for då kjem bileta til sin rett på beste måten. Hylestad kyrkje er truleg framleis open på dagtid, så du kan innom og sjå kopiar av portalane, originalane er på Oldsaksamlinga.

Vi snakka ikkje mykje om Hylestadportalane då Jorunn og Ole Thorvald Moen var på besøk hos oss i kveldinga. Då delte vi smuldrepai med blåbær og rips som dei hadde med seg medan samtalen gjekk om korleis sommaren hadde vore for oss.

Jorunn er pensjonert organist og har hatt mange vikaroppgåver i sommar, så vi snakka jo litt om orgel og slikt også. Då kom vi inn på at det hadde vore fint å ha ei liste over dei mange artiklane som står i tidsskriftet Orgelspeilet. Difor sende eg ein epost til redaktøren og lurte på om vi kunne få ei slik liste og legge ho ut på Setesdalswiki. Det tok bare eit par minutt, så fekk eg svar om at det kunne vi nok få til, han trong bare litt tid for å ordne ein del anna. Så snart kjem ei slik liste til å ligge på nettstaden.

Hylestadportalane har motiv som har vore nytta på myntar, men vi skulle få lista utan kostnad. Heller ikkje smuldrepaien måtte vi leite fram Hylestadportalmyntar for å nyte, så det vart ein rimeleg kveld, varm, litt vind og svært smakfull.

Her er eit utsnitt av Hylestadportalen, foto Jeblad, frå Wikimedia Commons:

Legg att eit svar

Epostadressa di blir ikkje synleg.