Merkelapp-arkiv: postludium

250 Postludium

Share

Til tysdag har Niklos K. Besteland sitt Postludium nr. 250. Han er av dei som held tal på det han gjer, han fører arkiv og er oppdatert på kva han har hatt i programma sine. Når han kjem i studio tysdag, er det med eit adventprogram. Som regel tilpassar han programma til den tida i kyrkjeåret ein er inne i, men det kan og vere eit jubileum han vil markere eller noko anna han vil minne om i programma sine.

Vi starta desse programma med eit prøveprogram i adventstida i 1997, og så kom vi fast frå januar 1998. Det er blitt nokre program gjennom åra, vi har prøvd å halde kontinuitet og å fylgje skuleruta så godt som det let seg gjere.

Vi har planlagt å markere at det er 250 program med å reise til Bykle tysdag før programmet og ha middag saman der. Det er grunn til å markere innsatsen hans for orgelmusikk, kyrkjemusikk og Valle Radio. Difor skriv eg om det her på førehand. Vonar at mange høyrer på oss tysdagskvelden, anten gjennom eteren eller gjennom Internett.

Niklos lurte på om han skulle slutte no, 250 program var eit fint og rundt tal å slutte på. Men det spørs om han ikkje kjem att. Det ville jo vere dumt å slutte før ein må.

Ei hyggeleg oppleving – Ola Höglund

Share

Etter at vi fekk Spotify i Valle Radio, har valet av musikk endra seg. Før måtte vi ha platene sjølv eller nytte musikk frå arkivet til Valle Radio, men no kan vi søke i millionar av songar, som det heiter på heimesidene til Spotify: http://www.spotify.com/en/

For eit par veker sidan søkte eg på Bred dina vida vingar, eg ville avslutte tysdagssendinga med den, og då kom det opp eit spor med Ola Höglund og Ervin Englund med orgel og trompet i Visby domkyrka på Gotland. Det var nydeleg musikk med kjende salmetonar, så eg sa til Niklos at eg trur eg vil spele frå den neste tysdag. Det meinte han var ein god ide, han visste at Ola Höglund hadde vore organist i den kyrkja.

Når ein skal ha eit musikkprogram basert på ein musikar eller komponist, er det lurt å vite noko om vedkomande, og eg søkrte rundt på Internestt for å finne noko, men det einaste eg fann, var ei liste over det han spelte på den plata.

Difor fann eg adressen til domorganisten i Visby og sende spørsmål om han kunne hjelpe meg. Alt dagen etter fekk eg svar frå Tomas Fors, kultursekretæren i kyrkja. Domorganist Claes Holmgren hadde bede han svare på mailen min. Det var eit sjeldan innhaldsrikt svar, og eg nytta det i Valle Radio tysdag, då eg hadde programmet. Eg kan jo dele dele det med dykk som les bloggen min:

«Ola Höglund föddes i Visby, 1942. Han fick sin musikutbildning på Musikhögskolan i Stockholm under åren 1960 – 1966 där han studerade orgel för bl.a. Gotthard Arnér, piano för Stina Sundell och harmonilära för Henry Lindroth. Han uppvisade mycket goda studieresultat och erhöll högsta betyg i alla ämnen. För sina goda studieresultat blev han belönad med olika utmärkelser. Höglund började spela piano vid sex års ålder och fem år senare började han ta orgellektioner.

Ola Höglunds prestationer ter sig också mycket beundrandsvärda då han var blind sedan födseln.

I tidig ålder började han en karriär som jazzmusiker, en musikstil som följde honom genom hela livet. Under sina senare år framträdde han bland annat tillsammans med jazzlegenden Arne Domnérus. Han kom dock främst att vara yrkesverksam som kyrkomusiken, först i Hagsätra i södra Stockholm och senare i Enskede – också det i södra Stockholmsområdet. Han kom senare att söka tjänsten som domkyrkoorganist i Visby Sankta Maria domkyrka, en tjänst som han också erhöll trots att det hos en del fanns tvivel att att blind organist skulle kunna inneha en sådan omfattande tjänst.

Han kom att på många vis förnya kyrkomusiken då han förutom att dirigera klassiska kyrkomusikverk, också bidrog till att jazzen kom in i kyrkomusiken. I synnerhet kom hans jazzinfluerade orgelimprovisationer att bli mycket omtycka och älskade. Han framträdde ofta i Sveriges Radio – både lokalt på Gotland och nationellt. Han hann med att spela in två skivor och höll på med förberedelse inför en tredje inspelning då han i maj 1987 drabbades av en hjärtattack och avled 17 maj 1987.

Hans allt för tidiga bortgång var en stor förlust för, naturligtvis för hans familj, men också i hög grad för Svenskt musikliv i allmännhet och Svensk kyrkomusik i synnerhet. Idag upplevs det inte som särskilt kontroversiellt med jazz- eller andra musikaliska uttryck i kyrkorummen, Ola Höglund var en av dem som bidrog till denna utveckling.»

Tusen takk også her til kyrkja i Visby (http://no.wikipedia.org/wiki/Visby_domkirke )som hadde stoff til Valle Radio.

Orgelmusikken

Share

I dag var eg på Esso, det er kompedag, så eg fekk meg ei kompe og sat i stova der og kunne nyte den. Då kom det eit par andre menn inn, og vi kom i prat, ein med kompe og ein med pølse. Sjølv var eg nesten ferdig med mi.

-Du er mest oppteken av skule for utlendingane og Valle Radio, sa den eine.

Eg kunne ikkje nekte for det.

-Det verkar som om dei utlendingane frå Burma er trivelege folk.

Eg var samd med han i det og.

-Kjem Niklos i radioen i kveld?
-Nei, han er med annankvar veke, og i kveld kjem han ikkje, svara eg.
-Det verkar som om han førebur seg godt til sendingane. Han har mykje informasjon om det han spelar.
-Det har han, eg er ikkje så grundig, eg.
-Men det er jo flott at du får det til likevel.

Vi får av og til spørsmål om folk høyrer på Valle Radio. Då seier eg at eg trur det, men det er ikkje så ofte eg får kommentarar. Difor er eg takksam for desse kommentarane over kompemiddagen.

I kveld spelte eg ein orgelkonsert av Händel: Concerto i g-moll Opus 4 nr. 1. Det var Simon Lindley som spelte orgel saman med Northern Sinfonia dirigert av Bradley Creswick, og opptaket var gjort i Holy Cross Church i Fenham, England i 1996. Fenham er ein bydel i Newcastle. Det var ei Naxos-plate, nummeret var 8.553835

Deretter spelte eg Camille Saint-Saëns Prelude et Fugue en mi bemol (ess-dur). Den var det Olivier Latry som framførte på Grand Orgue de Notre-Dame de Paris. Innspelinga var frå 1993. Plata heitte Recital à Notre-Dame de Paris på merket Soli Deo Veritas nr. 74321470132