Fleire har etterlyst nye rebusar på bloggen. Dei hadde kost seg med å løyse ein eller fleire og kunne godt tenke seg at det kom nye rebusar her. Det har og vorte peika på at eg hadde lova å kome med nye rebusar utan at dei er komne. Men her kjem dei, som vanleg med nøkkelord og svar på bokmål:

Etter å ha feira 60 år lenge og vel, (takk for alle hyggelege helsingar), gjev eg meg i dag ut i kakeverda. Inspirasjonen til det fekk eg frå driftssjef Ingvar Nes, som kom med kake og blomar i lunsjpausen på skulen i dag. Tusen takk til Valle kommune. Her kjem fem kakerebusar, og eg trekkjer i open sending onsdag. Premien er ein Valle Radio-refleksvest.

1. Ikke hard + kilo + skli
2. Stjele (engelsk) + skinnreim + tone + engelsk preposisjon + riste
3. Smile + tone + kikke
4. Pust – nr. 11 + bakende + vektenhet + ergre
5. Par + nr. 19 + omtrent + spørreord + tusen + feilmelding på kalkulatoren

Send svar til harhaugl @ gmail.com innan onsdag klokka19.00

Eg fekk ein kommentar frå ein av dei som får bloggen på epost om at han tykte det var interessant med spørsmåla mine. Han hadde ikkje sendt inn svara, nokre kunne han, andre fekk han ikkje til. Men interessant var det, sa han.

Her kjem svara på quiz nr. 3:

1. Kven var Lady Bird og kva var ho kjent for? http://no.wikipedia.org/wiki/Lady_Bird_Johnson
2. Kva er Lingvong? http://no.wikipedia.org/wiki/Lingvong
3. Kven malte Pikene fra Avignon? http://no.wikipedia.org/wiki/Pikene_fra_Avignon
4. Kva var Kjetil Flatin? http://no.wikipedia.org/wiki/Kjetil_Flatin
5. Kor ligg Møysalen? http://no.wikipedia.org/wiki/Møysalen

Nr. 1 er altså den nyleg avdøde kona til den amerikanske presidenten Lyndon B. Johnson. Nr. 2 er ein fråflytta heiegard i Suldal. Nr. 3 er Pablo Picasso. Nr. 4 var ein spelemann frå Seljord i Telemark. Nr. 5 er eit fjell på grensa mellom Troms og Nordland. Eg såg fjellet kvar dag då vi budde på Stokmarknes, og det var vanskeleg å ikkje late seg fascinere av fjellet og fjellrekka det er ein del av.

Her kjem svara på Quiz 2:

1. Jøssingfjord http://no.wikipedia.org/wiki/Jøssingfjord
2. Vikeså http://no.wikipedia.org/wiki/Vikeså
3. Flekkefjord http://no.wikipedia.org/wiki/Flekkefjord
4. Kvinesdal http://no.wikipedia.org/wiki/Kvinesdal
5. Hidra http://no.wikipedia.org/wiki/Hidra

Heller ikkje til denne konkurransen kom det inn svar, så det ser ikkje ut til at de som les på bloggen har lyst til å vinne ein refleksvest.

Men eg gjev meg ikkje så lett. I kveld lagar eg heller spørsmål:

1. Kven var Lady Bird og kva var ho kjent for?
2. Kva er Lingvong?
3. Kven malte Pikene fra Avignon?
4. Kva var Kjetil Flatin?
5. Kor ligg Møysalen?

Svar innan sundag 15. juli klokka 15 til harhaugl (at) gmail.com
Premie til den som blir trekt ut er ein refleksvest frå Valle Radio.

Eg veit ikkje om quiz er så populært hjå lesarane på bloggen som open sending er onsdagskveldane. I alle fall kom det ikkje inn særleg mange svar på quizen eg la ut i går kveld. Faktisk kom det inn bare eitt svar, men det var ikkje rett, så det vert ingen premie å dele ut i kveld. Her er svara, og den som svarte har heilt rett i at ein kan finne meir om svara på wikipedia. Difor legg eg ut lenke til artiklane på wikipedia om desse.

1. **Mandal** http://no.wikipedia.org/wiki/Mandal
2. **Spangereidkanalen**, det er ikkje nok med Spangereid: http://no.wikipedia.org/wiki/Spangereidkanalen
3. **Ålgård** http://no.wikipedia.org/wiki/Ålgård
4. **Lista** http://no.wikipedia.org/wiki/Lista
5. **Åvik** http://no.wikipedia.org/wiki/Åvik

Her kjem fem nye, framleis i Agder og Rogaland:

1. Hedersnavn under krigen + nr. 6 + mold
2. Bukt + hev + elv
3. Flå av never eller bark + smal arm av hav
4. Grue seg for + odde + søkk
5. Bjørnebustad + trekk

Svar innan klokka 18 i morgon til harhaugl (at) gmail.com, så kan du vinne ein refleksvest.

I dag startar eg ein serie innlegg på bloggen. Nokre av dei kan brukast som rebusar medan du ventar på at vi skal kome i gang att med Open sending.

Tema i dag er stader i Agder og Rogaland. Send svaret til harhaugl at gmail.com

1. Hestehår + forsenkning
2. Grave + karakter + lever + smalt land + ferdselsåra
3. Fisk + rusler + Tyskland
4. Bakke + egen
5. Elv + pronomen + tusen

Send svara, gjerne med informasjon om kva du veit om dei stadene du kom fram til.

Det vert ein refleksvest i premie til den som eg trekkjer ut som vinnar, så du må skrive adressa eg skal sende den til.